آئی فون

آزاد انسائیکلوپیڈیا، وکیپیڈیا توں
آئی فون
iPhone
فائل:3rareiphoneviews.jpg
تین آئی فون: آئی فون، آئی فون 3جی، آئی فون 4

آئی فون (انگریزی:iPhone) انٹرنیٹ تے ملٹیمیڈیا چلان والا امریکی کمپنی ایپل دا بنیا موبائل فوناں دا اک ٹبر اے۔ پہلا آئی فون 9 جنوری 2007 نوں سٹیو جابز نے وکھایا۔ 4 اکتوبر 2011 نوں ایپل دا پنجواں آئی فون، آئی فون 4ایس ٹوریا گیا۔ آئی فون وڈیو کیمرہ، کیمرہ فون، آڈیو وڈیو گانے رکھن تے سنان والا تے انٹرنیٹ تے سنیعے کلن تے ویب سائیٹاں دسن دے کم کرسکدا اے۔ ٹچسکرین تے وائی-فائی ایدیاں کئی اچیچیاں گلاں چوں کج نیں۔

آئی فون بنن دی نیو 2005 چ سٹیو جابز نے رکھی تےپہلا آئی فون 29 جون 2007 نوں مارکیٹ چ آیا۔ پہلے دن لوکاں نے لیناں چ کھڑو کے لیا۔ آئی فون 3جی ایس ٹبر دا اگلا آئی فون 11 جولائی 2008 چ آیا۔آئی فون 3 جی ایس 19 جون 2009 نوں نوں آیا۔ آئی فون 4 24 جون 2010 چ آیا۔ آئی فون 4ایس 14 اکتوبر 2011 نوں مارکیٹ چ آیا۔ 183,078,000 آئی فون ہن تک وک چکے نیں۔

اچیچے کم[سودھو]

انٹرنیٹ[سودھو]

آئی فون تے انٹرنیٹ چلایا جاسکدا اے۔ یو ٹیوب ویکھی جاسکدی اے تے یو ٹیوب تے فلماں چڑھائیاں جاسکدیاں نیں۔ آئی فون دے کیمریاں دیاں مورتاں تے ہور فائلاں وی انٹرنیٹ تے چڑھائیاں جاسکدیاں نیں۔

ٹچسکرین[سودھو]

آئی فون تے بٹناں والے کی بورڈ دی تھاں ٹچسکرین ورتی جاندی اے ایدے تے انگلیاں دیاں پوراں نال ٹھونگے مار کے اپنی مرضی دی تھان نوں دبا کے کم کری دا اے۔ ایدا کی بورڈ ایدی ٹچسکرین تے ای ہوندا اے۔ سٹائلس ایدے تے نئیں ورتیا جاسکدا۔ اگر ہتھ تے دستانہ چڑھیا ہووے تے سکرین کم نئیں کریگی۔ ٹچسکرین 9 سینٹی میٹر / 3.5 انچ دی ہوندی اے۔

وائی-فائی[سودھو]

آئی فون چ وائی-فائی دی سہولت ہوندی اے۔

وکری[سودھو]

2012 تک 183.076.000 آئی فون ویچے جاچکے نیں۔

پورٹایبل میڈیا پلیئر[سودھو]

آئی فون پورٹایبل میڈیا پلیئر وی اے۔ ایدے تے آڈیو وڈیو گانے سنے تے رکھے جاسکدے نیں۔ پہلے آئی فون چ 4 توں 8 گیگا بائٹ گانے رکھن دی تھاں سی۔ ہن دے آئی فوناں چ 64 گیگا بائٹ تھاں اے۔

کیمرہ[سودھو]

آئی فون چ وڈیو تے کھڑی مورتاں بن سکدیاں نیں ایدے چ 3.5 توں لے کے 8 میگا پکسل دا کیمرہ ہوندا اے۔ ایدے توں وڈیو یو ٹیوب تے وڈیو چڑھائیں جاسکدیاں نیں۔

ائی فون اتے ایپل دے اپنے تے دوجے کئی سافٹویئر ٹورے جا سکدے نیں جیڑے کے ایپل دی دکان توں ڈاؤنلوڈ کیتے جاندے نیں۔ ایدے اتے 500،000 توں زیادہ ایپس یا سافٹویئر نیں۔ اے ایپس گیماں، پڑھیائی لکھائی، جی پی ایس، سوغل نیٹورکنگ تے دوجے کئی کماں دیاں ہو سکدیاں نیں۔

آئی فون ایپل دے بناۓ ہوۓ آپریٹنگ سسٹم Operating System تے ٹردے نیں۔ آئی فون دے آپریٹنگ سسٹم نوں آئی او ایس iOS کیندے نیں۔ آئی او ایس آئی فون دے نال نال آئی پیڈ تے آئی پوڈ نوں وی ٹوردا اے۔ اج تک پنج آئی فون آۓ نیں تے اوناں دے نال نال پنج آئی او ایس وی آ چکے نیں۔ سب توں پہلا آئی فون جی ایس ایم GSM نیٹورک تے ٹردا سی۔ آئی فون 3 جی نے 3 جی 3G نیٹرورکنگ پہلی واری ٹور تے اس توں بعد سارے آئی فون 3 جی تے ٹر سکدے نیں۔ آئی فون 3 جی ایس نے کمپاس، تیز پراسیسر، ویڈیو ریکارڈنگ تے چنگا کیمرا ٹوریا۔

آئی فون 4 2010 چ آیا تے اودی سکرین ریزولوشن تے کوالٹی اینی چنگی سی کہ ایپل آلیاں نے اودی سکرین تے ڈسپلے دا ناں ریٹینا ڈسپلے Retina Display رکھیا۔ ایپل دے مطابق اس سکرین دی کولٹی انسان دی اکھ دے نال دی اے تے جینی نکی شے انسانی اکھ صاف ویکھ سکدی اے، اونی نکی شے ایدی سکرین تے آ سکدی اے۔ آئی فون 4 پہلا آئی فون سی جیدے چ دو کیمرے ہیگے سن۔ اک پچھے دا کیمرا جیڑا کے 720p دی کوالٹی دی ویڈیو بنا سکدا اے تے اگے اک کیمرا ویڈیو فون کرن واسطے ورتیا جاسکدا سی، اگلے کیمرے دی کوالٹی کٹ ہوندی اے۔

آئی فون 4ایس 2011 دی اکتوبر چ آیا تے ایدے چ کئی نویاں شیواں سن جیڑياں آئی فون تے دوجے سمارٹ فوناں چ کدی وی پہلاں نئیں ورتیاں گئیاں سن۔ ایدے چ سری Siri سسٹم اے جیڑا کے ورتن والے دی گل سندا اے تے اودا جواب وی دیندا اے تے اودے کعے کم کردا اے تے نال نال اگر اونوں کوئی شے پچھی جاۓ تے اودا جواب وی دیندا اے۔ آئی فون 4ایس چ دو کوراں Dual Core آلا مائکروپراسیسسر وی پایا گیا اے۔ آئی فون 4ایس اپنے 8 میگاپکسل کیمرے دے نال 1080p کوالٹی دی ویڈیو ریکارڈ کرسکدا اے تے ایدے چ 64 جی بی تک دی تھاں ہوندی اے۔

ہور ویکھو[سودھو]

بارلے جوڑ[سودھو]