آزاد ہند بٹالین

آزاد انسائیکلوپیڈیا، وکیپیڈیا توں

آزاد ہند بٹالین ، جولائی 1942ء چ اٹلی دی فاشسٹ حکومت ولوں ہندستانی فوجیاں دی بنائی گئی اک یونٹ سی ۔ ایہہ بٹالین شروع چ روم چ لمبے چر توں رہن آلے اک ہندستانی ، اقبال شیدائی دی اگوائی چ "سینٹرو آئی " دے ناں تے کھڑی کیتی گئی سی ۔ جہڑی سابق ہندستانی جنگی قیدی تے اٹلی چ رہن آلے ہندستانیاں تے مشتمل سی ۔ ایہہ تیونس لئی بنائے گئے یونٹ (سینٹرو ٹی) تے عرب (سینٹرو اے) دے نال ای قائم کیتی گئی سی ، اینہاں دا کم انٹیلیجنس معلومات اکٹھیاں کرنا تے دشمن دی سپلائی لائناں تے سبوتاژ آپریشن کرنا سی ۔ اپنے خاتمے دے ویلے نومبر 1942ء چ ، آزاد ہندستان بٹالین دی نفری ساڈھے تن سو توں چار سو دے وچکار سی ۔