آصف علی زرداری

Wikipedia توں
جاؤ: پاندھ, کھوج
Asif Ali Zardari - 2009.jpg

آصف علی زرداری پاکستان دے گیارہویں صدر سن۔ زرداری 26 جولائی 1955 نوں کراچی، پاکستان چ جمیا۔ اس ویلے اوہ پاکستان پیپلز پارٹی دا شریق چیئر مین اے۔ زرداری دی گنتی پاکستان دے امیر لوکاں چ ہوندی اے ایدے کول 1.8 ارب ڈالر ہے گے نیں۔

پہلا جیون[لکھو]

زرداری کراچی چ جمیا۔ اوہ کراچی گرامر سکول تے کیڈٹ کالج پٹارو چ پڑھیا۔ اونے 18 دسمبر 1987 نوں بینظیر بھٹو نال ویاہ کر لیا۔

سیاست[لکھو]

اونہاں تے کرپشن دے کئی الزامات لگے تے اوناں نوں جیل وی کٹنی پئی۔ اونہاں نوں بینظیر بھٹو دے پرا مرتضا بھٹو دے قتل دا وی ملزم کیا گیا مگر زرداری نوں چھڈ دتا گیا۔ اونھاں دی بیوی، بینظیر بھٹو، دے 27 دسمبر 2007 چ قتل توں بعد اونہاں نوں اپنی پارٹی، پاکستان پیپلز پارٹی، دا کو چیئرمین اپنے پتر بلاول بھٹو نال بنا دتا گیا۔

اونہاں نے ن لیگ دے لیڈر نواز شریف نال مل کے پرویز مشرف دی سرکار دے خلاف تحریک چلائی تے کامیاب ہو کے 9 ستمبر 2008 نوں صدر بن گۓ۔ اونہاں نے نواز شریف نال ججاں دی بحالی دا وعدہ کیتا سی مگر اوہ مقر گۓ۔ اس دے نتیجہ چ نواز شریف نے ججاں نال مل کے ججاں دی بحالی دی تحریک ٹوری تے آخر کار 16 مارچ 2009 نوں اونہاں نے جج بحال کر دتے۔

آصف علی زرداری نے صوبہ سرحد چ نون لیگ دا زور توڑن ل‏ئی پہلے اوس صوبے دا ناں بدلوایا تاں جے ہزارہ چ نوں لیگ نوں تھلے لایا جاسکے۔ فیر اونے دکھنی پنجاب چ نوں لیگ نوں پھسون ل‏ی اودے سرائیکی صوبے دا شولہ کھڑا کیتا اے۔

9 ستمبر 2013 نوں اپنے 5 ورے پورے کرکے زرداری صدر ناں رۓ۔ اوہناں دی تھاں ممنون حسین نویں صدر نیں۔

ہور ویکھو[لکھو]

ہور پڑہو[لکھو]

بارلے جوڑ[لکھو]

گن ناپ تے اے آرٹیکل نکا اے۔
'