آپریشن نیمیسس

Wikipedia توں
جاو: مدد, کھوج

آپریشن نیمیسس سن 1920ء دی دہائی چ وفاق آرمینیائی انقلاب دا تیار کیتا ہوئیا منصوبہ سی جس دا مقصد مبینہ ارمنی قتل عام چ شریک ترکی دی اعلی ترین شخصیتاں نوں قتل کرنا سی ۔ اس آپریشن دا ناں انتقام دی یونانی دیوی نیمیسس دے ناں تے رکھئیا گئیا سی ۔ اس آپریشن نوں آرمینیائی نیورمبرگ وی آکھئیا جاندا اے ۔

اس آپریشن دا فیصلہ 27 ستمبر توں اکتوبر 1919ء دے آخیر تک یریوان چ ہون آلے وفاق آرمینیائی انقلاب دے 9ویں عام اجلاس چ کیتا گئیا سی ۔

فیصلے دے مطابق جہڑی " بلیک لسٹ" تیار کیتی گئی اس چ 200 افراد دے ناں شامل سن جنہاں تے آرمینیائی باشندےآں دے مبینہ قتل عام دے الزامات سن ۔ طلعت پاشا نوں وڈا ہدف قرار دتا گئیا سی ۔


اس آپریشن چ نوجوانان ترک دی حکومت دے سابق وزیر داخلہ طلعت پاشا نوں 15 مارچ 1921ء چ برلن چ ، سابق وزیر جنگ انور اسماعیل پاشا نوں 4 اگست 1922ء چ روس دے خلاف ترکستان دی بسماچی تحریک دی فیصلہ کن تیاریاں دے دوران تاجکستان چ ، سابق وزیر دفاع جمال پاشا نوں 25 جولائی 1922ء چ طفلس چ تے سابق وزیراعظم سید حلیم پاشا نوں 5 دسمبر 1921ء چ روم چ موت دے گھاٹ لائیا گئیا ۔ ایہہ اس آپریشن چ قتل ہون آلیاں اعلی ترین شخصیتاں سن ۔ اس دے علاوہ نوجوانان ترک دے اہم رکن وی اس آپریشن چ قتل ہوئے ۔

اس آپریشن چ آرمینیا نوں یقینا روس تے دوجیاں عالمی طاقتاں دی مدد وی حاصلسی۔