آگسٹو پنوشے
جنرل آگسٹو پنوشے (جم: 25 نومبر 1915ء- وفات:10 دسمبر 2006ء)دکھنی امریکہ دے دیس چلی دا جرنیل تے صدر سی ۔ اس نے 1973ء چ منتخب رہنما سلواڈور آلندے دی مارکسسٹ حکومت دے خلاف فوجی بغاوت دی قیادت کیتی سی ۔ اس فوجی بغاوت دے خلاف جدوجہد تے اس دے ردعمل چ ہونے آلے سرکاری تشدد ، جبر تےاستبداد نے دنیا نوں ہلا کے رکھ دتا ۔ اوہ 1974ء توں 1990ء تیکر چلی دا صدر رہئیا ۔
جنرل پنوشے دے دور اقتدار چ اس تے انسانی حقاں دی سنگین خلاف ورزیاں دے الزام لگدے رہے نیں ۔ کئی انسانی حقاں لئی کم کرن آلیاں تنظیماں دی کوششاں دے باوجود حنرل پنوشے تے مقدمہ نئیں چلائیا جا سکئیا ۔ اس تے الزام سی کہ اسدے دور چ 3 ہزار سیاسی مخالف لا پتہ ہو گئے تے اینہاں دا کدے وی سراغ نئیں لبھ سکئیا ۔ آخری عمر چ کافی حد تک بیمار رہئیا ۔ اس دے علاوہ اسنوں نظربندی دا ساہمنا وی کرنا پئیا ۔ دل دے دورے نال اسدی موت واقع ہوئی ۔
[لکھو] ابتدائی جیون
آگسٹو پنوشے 1915ء چ جمئیا تے اپنے 6 بھین بھائیاں چ سبتوں وڈا سی ۔ اسنے فوجی تربیت لین مگروں 18 ورہیاں دی عمر چ فوج چ شمولیت اختیار کر لئی سی ۔
1973ء چ اوہ چیف آف سٹاف دے عہدے تے فائز ہوئیا تے ایسے سال اس نوں ترقی دے کے جنرل تے کمانڈر ان چیف بنا دتا گئیا۔
