ابراہم میزلو

Wikipedia توں
جاؤ: پاندھ, کھوج
ابراہم میزلو
200px
جیون 1906 نیویارک، امریکہ
دیس امریکہ
کم نفسیات
گن نفسیات نوں نویں سوچ دین والا


ابراہم ایچ میزلو 20ویں صدی دا وڈا نفسیات دان اے۔ اونہے انسانی لوڑاں دی اک پوڑی بنائی تے اونہوں ہیومنسٹک نفسیات دا باوا سمجھیا جاندا اے۔

پہلا جیون[لکھو]

میزلو 1906 نوں نیو یارک امریکہ چ روس دے اک انپڑھ یہودی مہاجر ٹبر دے کعر جمیا۔ اوہ ست بہن پراواں چوں سب توں وڈا سی۔ شرمیلا پر سیانا۔ اونہے نفسیات چ پی ایچ ڈی کیتی۔ اپنی رشتہ دار برتھا نال ویاہ کیتا۔ 1937 توں 1951 تک بروکلائن نیویارک دے اک کالج چ پڑھاندا ریا۔ اونہوں ہیومنسٹک نفسیات بڑی پسند سی۔ نفسیات دے دوجے گورواں توں الٹ جیڑے روگیاں نوں تک کہ نتارے کڈدے سن اونہے چنگے پلے لوکاں دا نتارا کڈیا۔ اس ویلے نفسیات دے جگ وچ فرائیڑ دے شخصیت دے نظریے تے کرداریت دے نظریے نوں ای منیا جاندا سی۔ میزلو دی ہیومنسٹک نفسیات اک تیجی طاقت دے طور تے سامنے آئی۔ اودھی نفسیات اودھے موٹیوویشن دیاں سوچاں دے اگے پچھے کمدی اے۔

تحریکی سوچ[لکھو]

میزلو دی لوڑاں دی پوڑی

ایہو جے کم جنہاں چ اک بندہ اپنیاں بنیادی لوڑاں توں اچیاں لوڑاں تک جاندا اے تے نالے اپنی ذات دی پچھان کر لیندا اے اپنیاں چھپیاں ہوئیاں گناں نوں لب لیندا اے تے جو اوہ چاہندا اے بن جاندا اے۔ ایہو جے کم میزلو دی تحریکیی سوچ اخواندے نیں۔ میزلو نیں بندے دیاں لوڑاں نوں۔ اک پوڑی دی مورت وچ ویکھیا۔ اونہے آکھیا کہ انسانی لوڑاں اک ترتیب چ پوریاں ہوندیاں نیں۔

اونہے اے ویکھیا کہ اگر کسے بندے دیاں تھلے آلیاں لوڑاں پوریاں نا ہون تے اوہ اپر لی پوڑی تے نئی جاۓ گا۔ اگر اودھیاں جسمانی لوڑاں پوریاں نئیں ہون گئیاں تے اوہ وڈیاں سوچاں نئیں سوچ سکے گا۔ اگر بندے نوں آکسیجن نا لبے تے اوہ پانی دی پیاس نوں پعل جاۓ گا۔

جسمانی لوڑاں[لکھو]

ایناں وچ ہوا، کھانا، پانی، کعر تے مناسب درجہ حرارت ہے گے نیں۔ ایدے وچ ٹرن پھرن، آرام کرن، گند توں دوری تے پیڑ توں بچاؤ ہے گیاں نیں۔ میزلو دا اے خیال سی تے تجربیاں نے وی اے گل دسی کہ اے لوڑاں ہر بندے آستے نیں۔ اگر اے لوڑاں پوریاں نا ہون تے بندہ ہر شے نوں پعل جاۓ گا تے ایناں نوں لین دی پوری کوشش کرے گا۔ اک پکھا بندہ ہر ویلے کھانے دے سفنے ویکھے گا کھان دے ولے ای سوچے گا تے اوہ صرف کھانے نوں ای لوڑے گا۔ پر جدھوں اونہوں کھان نوں لب جاۓ گا تے اونہوں اے وی پتا ہوۓ گا کہ اودھے کول بوتے چر لئی کھان نوں ہے گا اے تے اوہ دوجیاں لوڑاں دے ولے سوچو گا۔

بچاؤ لوڑآں[لکھو]

جدوں بندے دیاں پنڈے دیاں لوڑاں پوریاں ہو ججان تے اوہ اپنے آستے بہتر ماحول پیدا کرن دی کوشش کردا اے۔ اوہ اپنے آپ نوں محفوظ بنان دی کوشش کردا اے۔ قائدے قنون بناندا اے۔ اوہ کسے پر امن علاقے چ اپنا کعر چاہے گا، پکی نوکری چاہے گا تے اپنے بڑھاپے آستے کج بچا کے رکھنا چاہے گا۔ کج لوک اپنے بچیاں نوں وی اپنے بڑھاپے دا آسرا سمجھدے نیں۔

تلقات دی لوڑ[لکھو]

جدوں پنڈے تے بچاؤ دیاں لوڑاں پوریاں ہو جاندیاں نیں تے بندے چ یار بیلیاں محبت بچے تے تلقات دیاں لوڑاں جاگدیاں نیں۔ اس لوڑ دا ہونا بندے چ سماجی اکلاپا تے پریشانیاں دی وجہ بن جاندا اے۔

عزت نفس[لکھو]

اوپر آلیاں لوڑاں پوریاں ہون توں بعد بندے چ شہرت، توجہ تے عزت لین دی لوڑ جاگدی اے۔ اعتماد، مقابلہ باز تے آزادی ہن نویاں لوڑاں نیں۔ کامیابی اودھے چ عزت نفس پیدا کردی اے تے فیر اے ہمیشہ لئی بندے نال ریندی اے۔ میزلو نیں اوپر دتیاں ہوئیاں ضرورتاں نوں بنیادی ضرورتاں آکھیا۔ اودھے نیڑاے بنیادی لوڑاں دے پورے ہون لئی کج شرتاں دا ہونا لازمی اے۔ ایناں شرطاں چ بولن دی آزادی، مرضی نال کم کرن دی آزادی، معلومات حاصل کرن دی آزادی، اپنے تحفظ کرن دی آزادی، انصاف، عدل، ایمانداری تے معاشرے چ ترتیب۔ رازادری، بے ایمانی تے بے انصافی بنیادی لوڑاں آستے تبہ کن نیں۔

اپنی پچھان[لکھو]

جدوں اوپر دسیاں ہوئیاں لوڑآں پوریاں ہو جان تے اپنی پچھان دی لوڑ ابھردی اے۔ میزلو دے نیڑے اے پوڑی دا سب توں اوپر آلا پاسا اے۔ اپنی پچھان آلا پاسا اوہ اے جتھے انسان سمجھدا اے کہ اوہ اوتھے اے جتھے اوہ سمجھدا سی کہ اوہ اوتھے آستے بنیا اے تے جیڑا اوہ کم کر ریا اے اوہ ایسے کم آستے بنیا سی۔ تھلے دتے ہوۓ اوہ لوک نیں جنھاں دے بارے چ میزلو دا خیال اے کہ اونہاں نوں اپنی پچھان ہو گئی سی۔

میزلو دے نیڑے دنیا دی صرف 2٪ لوکاں نوں اپنی پچھان ہے گی اے۔

اپنی پچھان کرن آلیاں لوکاں دیاں خوبیاں[لکھو]

خود شناس لوک حقیقت ویکھن آلے لوک ہوندے نیں۔ اوہ سچ تے جھوٹ، جعلی تے اصلی چ فرق کر سکدے نیں۔ اپنی پچھان کرن آلے لوک اپنی ذات توں بار دے مسئلیاں نوں سمجھ سکدے نیں۔ اوہ تخلیقی ہوندے نیں تے بوت زیادہ سماجی قنوناں دے پابند نئی ہوندے نیں۔ اس تھاں تے پہنچ کے کم مزہ بن جاندا اے تے کم کم لگدا ای نئیں۔ کم تے چھٹی چ کوئی فرق نئیں ہوندا اس درجے تے لوک حقیقت چ اپنی مرضی نال سوچدے تے عمل کردے نیں۔ اوہ اختلافات توں خوفزدہ ہون توں بجاۓ مزہ لیندے نیں۔ اونہاں نوں اونہاں دے یار بیلیاں دیاں کامیابیاں وی مزہ دیندیاں نیں رستہ تے منزل اونہاں لئی اک ہو جاندے نیں۔ اوہ کلے وی خوش رے سکدے نیں۔ اوہ ڈیموکریسی چ یقین رکھدے نیں۔ بوت سارے لوکاں نال تلقات رکھن دی بجاۓ چند ایک لوکاں نال تلقات رکھدے نیں جیڑے کہ گوڑے ہوندے نیں۔ اونہاں دے تجربات تے احساسات دی شدت عام لوکاں نالوں تیز ہوندی اے۔ جیڑی اونہاں نوں نوں خدا، فطرت تے جیون دے نیڑے لے آندی اے۔