احمد پور لما

آزاد انسائیکلوپیڈیا، وکیپیڈیا توں
(احمد پورلمہ توں مڑجوڑ)

احمد پور لما پنجاب پاکستان دی تحصیل صادق آباد وچ اک قصبا اے۔ ایہ قصبا شہر صادق آباد توں 9 کلومیٹر دور لہندے ول اے۔ ایہ اک پراݨا قصبا اے۔

ایتھے دے لوکاں نے سندھ توں آوݨ والے دشمݨاں تو بچݨ لئی ایتھے اک قلعا بنوایا سی۔ ایس قلعے دا ڈگھدا ڈھیندا روپ حالے تک موجود اے۔ تریخ وچ ذکر نیٔیں ملدا کہ کوئی جنگ ایتھے ہوئی ہووے یا کلہوڑیاں دی فوج نے حملہ کیتا ہووے ۔ سترھویں صدی دے برطانوی تے اطالوی مسافراں دے چھپے مضموناں وچ ایس شہر دا تھوڑا جیہا غیر اہم ذکر ملدا اے۔

ایہ قصبا انگریزاں دے آوݨ توں پہلاں تحصیل دا درجا رکھدا سی پر محصول وچ کمی تے انگریز دور وچ ریلوے لا ین تو دور ہوݨ پاروں ایہدا تحصیل دا درجا ختم کر دتا گیا۔


احمد پورلما عرض بلد 28٫3167 تے طول بلد 70٫0500 تے موجود اے۔ ایہ قصبا سطح سمندر توں تقریبن 75 میٹر اچا اے۔ ایہ صادق آباد توں بھونگ تے ہیڈ گڈو جاݨ والی سڑک تے موجود اے۔

ایہدے آلے دوالے دو کھاد فیکٹریاں،اک شوگر مل، کئی کاٹن جیننگ فیکٹریاں موجود نیں۔ ایتھے دی زمین زرخیز تے پاݨی مٹھا اے۔ سارا سال گرمی دا زور ہوندا اے تے ٹھنڈ تھوڑا چِر ای رہندی اے۔