ارنسٹ ردرفورڈ

Wikipedia توں
جاؤ: پاندھ, کھوج
ارنسٹ ردرفورڈ
Ernest Rutherford2.jpg
جیون جمے 30 اگست 1871 برائیٹ واٹر، نیوزی لینڈ
مرے 19 اکتوبر 1937(عمر 66)کیمبرج، برطانیہ
دیس نیوزی لینڈ، برطانیہ، کینیڈا
کم سینسدان، پروفیسر
گن ایٹمی فزکس، ردرفورڈ ایٹمی ماڈل تے پروٹان

ارنسٹ ردرفورڈ اک برطانوی فزکس تے کیمسٹری دا گرو سی۔ اونوں اودے کم دی وجہ توں ایٹمی فزکس دا پیو کیندے نیں۔ اونے اے سب توں پہلاں دسیا کے ایٹم چ اک نیوکلیس ہوندا اے جیدے تے کوئی نہ کوئی چارج ہوندا اے جس دے اتے اونے ردرفورڈ اٹمی ماڈل دتا جیدے تے کم کر کے بوہر ایٹمی ماڈل دسیا گیا۔ اونے اے کم سونے دی پتری تے ایلفا دی بمباری کیتی تے کج ایلفا پارٹیکل اپنی راہ توں مڑ گۓ تے کج واپس ٹر پۓ جس نال اونے ایٹم چ نیوکلیس لبیا۔ اونوں 1908 چ کیمسٹری چ نوبل انعام دتا گیا۔ اوہ پہلا بندہ سی جینے ایٹم دے دو ٹوٹے کیتے (1917) تے اس نال اودے دو شگرداں نے اودی نگرانی چ پہلی واری قابو چ رکھدیاں ہوئیاں ایٹم توڑیا (1932)۔

جیون[لکھو]

ارنسٹ ردرفورڈ نیوزی لینڈ چ 30 اگست 1871 نوں اک کسان ٹبر چ جمیا۔ اودے ماں پیو برطانیہ توں آۓ سی۔ اوہ شروع چ ہاولوک سکول تے نیلسن کالج توں پڑدا ریا پر بعد چ اونے سکالرشپ تے کانٹربری کالج نیوزی لینڈ یونیورسٹی توں پڑن لگ پیا۔ اونوں اوتھوں ایم اے، بی اے تے بی ایس سی دی ڈگری لئی تے دو سال تک بجلی دی ٹیکنالوجی تے کم کردا ریا۔ اس توں بعد اوہ کیمبرج یونورسٹی برطانیہ پی ایچ ڈی کرن ٹر گیا۔

اونے اوتھے تابکاری دریافت کیتی تے اودیاں قسماں دے ناں ایلفا تے بیٹا رکھے جیناں چ فرق اونا دیاں طاقتاں رکھیاں گياں۔ اے تابکار شعاواں تھوریم تے یورینیم توں لئیاں گئیاں۔

اونے 1900 چ ویاہ کر لیا تے تے اودی اکو دھی ہوئی۔

کم[لکھو]

1898 چ اونوں کینیڈا چ مونٹریل چ میکگلز یونیورسٹی چ فزکس دا وڈا گرو بنا دتا گیا۔ اوتھے اودے کم تے اونوں 1908 چ کیمسٹری چ نوبل انعام دتا گیا۔ 1900 چ اونے نیوزی لینڈ دی یونورسٹی توں ڈی ایس سی دی ڈکری لئی۔ 1900 توں لے کے 1903 تک میکگلز یونورسٹی کینیڈا چ اوہ اپنے سنگی فریڈرخ ساڈی نال رل کے عنصراں دے اک دوجے چ بدلن تے کم کردے رۓ۔ ردرفوڑڈ نے اے دسیا جیڑے ایٹم تابکار ہوندے نے اوہ اصل چ ٹٹ کر دوجے عنصراں دے اٹیماں چ بدل رۓ ہوندے نیں۔ جنے ویلے چ اک ایٹم ٹٹ کے ادا ہو جاندا اے اونوں ادے جیون دا ناں دے دتا گیا تے اے پتہ چلیا کہ اے ویلا ہر عنصر دا اپنا ہوندا اے تے اے اکو ای ریندا ے اس نال جگ دی عمر دسی گئی جیڑی کے گروواں دے خیال توں کافی زیادہ سی۔

1903 چ ردرفورڈ نوں اے پتہ چلیا کے اک فرانسیسی فزکس دے گرو نے تابکاری دی تیجی قسم دریافت کیتی اے جیدی طاقت ایلفا تے بیٹا نال زیادہ اے ردرفورڈ نے اودا ناں گیما رے رکھ دتا۔

1907 چ اونے مانچسٹر یونورسٹی چ فزکس دا وڈا گرو بن گیا تے اونے اپنے سنگیاں نال رل کے اک تجربہ کیتا جیدے چ اونے ایلفا دی سونے اتے بمباری کر کے نیوکلیس دریافت کیتا۔ 1919 چ اوہ پہلا بندہ بنیا جینے اک عنصر نوں دوجے عنصر چ بدللیا ہوۓ اے کم اونے نائیٹروجن دے اتے ایلفا بمباری کیتی جیدے نال نائیٹروجن آکسیجن چ بدل گیا۔ 1921 چ اونے اپنے سنگی نیلز بوہر نال کم کردیاں ایٹم چ نیوٹران دریافت کیتے جیناں دی وجہ توں پروٹان قابو چ ریندے نیں تے ایٹم ٹٹدا نئیں اے۔

اونوں 1914 چ نائیٹ(knight) بنا دتا گیا۔ 1916 چ اوناں نوں ہیکٹر میموریل میڈل دتا گیا۔ 1919 چ اوہ کیمبرج یونیورسٹی واپس آگۓ تے کج ہور لوکاں نوں نوبل انعام اوناں دے تھلے دتا گیا۔

مرنا[لکھو]

اونوں ہرنیۓ دا مسئلہ سی کیونجہ اوہ اک نائیٹ سی اس واسطے برطانیہ دے قنون دے مطابق اونون کوئی پکا ڈاکٹر ای ویکھ سکدا سی اس واسطے اوہ ڈاکٹر نہ ہون تے 19 اکتوبر 1937 چ مر گیا۔ اونوں جے جے تھامسن دے نال تے نیوٹن دے کول دبیا گیا۔

ورثہ[لکھو]

بارلے جوڑ[لکھو]