اشانتی

Wikipedia توں
جاو: مدد, کھوج
اشانتی بادشاہت دا جھنڈا



اشانتی یاں اشانتے ، گھانا دے اشانتی علاقہ دا وڈا نسلی گروہ اے ۔ اشانتی لوک فانٹے بولی نال ملدی جلدی اکان بولیاں دی توی بولی بولدے نیں ۔

یورپی سامراجیاں توں پہلے اشانتی لوکاں نے لہندے افریقہ چ وڈی تے بااثر سلطنت قائم کیتی ۔ اشانتی بعد چ طاقتور اشانتی وفاق یاں اشانتیمان چ تبدیل ہوگئی تے علاقے چ سبتوں بااثر ہو گئی ۔


جغرافیہ[لکھو]

گھانا چ اشانتی علاقے دا نقشہ

گھانا جغرافیائی لحاظ نال بوہت متنوع علاقہ اے ، ایتھے ساحل سمندر ، پہاڑ ، جنگل ، گھاہ دے میدان ، سرسبز زراعت دے علاقے تے صحراء ورگے علاقے موجود نیں ۔ اشانتی لوک اج دے گھانا دے گھبلے علاقے چ سمندر دے ساحل توں 100 کلومیٹر دور آباد ہوئے ۔ ایہہ علاقہ گھنے جنگلاں تے زرخیز تے کجھ حد تک پہاڑی اے ۔ ایتھے دو موسم نیں : برسات دا موسم (اپریل توں نومبر) تے خشک موسم (دسمبر توں مارچ) ۔ ایتھے کئی ندیاں نیں ۔

اج کل اشانتی لوکاں دی آبادی 70 لکھ دے نیڑے اے جہڑی {[گھانا]] دی کل آبادی دا 30 فیصد اے ۔


تریخ[لکھو]

اشانتی بادشاہت

انیویں صدی دا اشانتی سپاہی


اشانتی بادشاہت اک باجگزار ریاست توں شروع ہو کے اک مرکزی موروثی بادشاہت چ بن گئی ۔ اویوکو قبیلے دے سردار تے فوجی آگو اوسیئ ٹوٹو نے اشانتی بادشاہت دی بنیاد 1670ء چ رکھی ۔ اس نے دوجے قیبلےآں دے سرداراں دی حمایت حاصل کیتی تے کوسامی نوں اپنے مرکزی علاقے دف طور تے ورتدے ہوئے اس نے ارد گرد دیاں آکان ریاستاں نوں مطیع کر لئیا ۔

یورپی سامراجیت[لکھو]

اشانتی یام تقریب 1817ء


اشانتیاں نے یورپیاں ، خاص طور تے برطانیہ دیاں اینہاں نوں اپنی رعیت بنان دیاں کوششاں دی بھرپور مزاحمت کیتی ۔ اشانتی لوکاں نے علاقے چ برطانوی اثر گھٹان لئی ڈچاں نال اتحاد کیتا۔