اقبال

Wikipedia توں
جاو: مدد, کھوج
اقبال
Iqbal.jpg
جمن پو: سیالکوٹ پنجاب
جیون: 1938-1877
کم : وکیل شاعر

محمد اقبال 9 نومبر 1877 نوں پنجاب دے شہر سیالکوٹ چ جمے۔ اوہ اردو تے فارسی دے شاعر سن۔ اوہ سیاستدان تے وکیل وی سن۔ پڑھائی سیالکوٹ لہور جرمنی تے انگلینڈ توں کیتی۔ دکھنی ایشیاء دے مسلماناں لئی اک نویں دیس پاکستان دی سوچ اوناں نیں 1930 نوں دتی۔21 اپریل 1938 اوناں دے جیون دا انت سی۔

اقبال 9نومبر 1877 نوں برطانوی ہندستان دے صوبہ پنجاب دے شہر سیالکوٹ چ جمے۔ اوہ اک درزی نور محمد دے پتر سن۔ اقبال نوں چار وریاں دا ہون تے محلے دی مسیت چ قرآن پڑھن لئی پا دتا گیا۔ 1893 چ سکاچ مشن کالج سیالکوٹ چ داخلہ لیا تے دو ورے مگروں ایف اے کیتا۔ 1895 چ اقبال نے گورنمنٹ کالج لہور چ داخلہ لیا۔ فلاسفی چ ایم اے کیتا۔ ٹرینیٹی کالج، کیمبرج توں بی اے 1907 چ تے 1908 چ وکالت پاس کیتی۔ 1907 چ ای اقبال میونخ یونیورسٹی، میونخ، جرمنی گیا پی ایچ ڈی کرن ل‏ئی۔

1908 چ اقبال ہندستان واپس آیا تے گورنمنٹ کالج لہور چ پروفیسر لگ گیا۔ پر اک ورے مگروں ای نوکری چھڈ کے تے وکالت کرن لگ گیا۔ وکالت نال اوناں فارسی چ شاعری وی کیتی۔ انجمن حمایت اسلام دیاں جلسیاں اوہ نظماں پڑھدا سی۔ اقبال نے 12000 شعر آکھے تے ایناں چ 7000 فارسی ج نیں۔

ٹبر[لکھو]

1895 چ اقبال دا ویاہ کریم بی بی نال ہویا تے اوناں دے دو جواک معراج بیگم تے آفتاب ہوۓ۔ پر اے ویاہ کوئی سکھ دی گل نیں سی ایس لئی دوناں چ 1916 چ طلاق ہوگئی۔ اقبال نے دوجا نکاح سردار بیگم نال کیتا پر سردار بیگم ہجے اوہناں دے کھر ن‏یں سی آئی تے اوہناں نے اک ہور سوانی مختار بیگم نال ویاہ کرلیا۔ اوہنوں مکروں پتہ چلیا جے جیہڑی کڑی دسی گئی سی مختار بیگم جیدے نال اوہدا ویاہ ہویا کوئی ہور اے۔ سردار بیگم بارے کسے نے اقبل نوں چٹھیاں پائیاں سن جے اوہ ٹھیک ن‏یں پر مگروں ایہ پتہ ّلیا جے ایہ گل چعوٹھی سی۔ ایہ اقبال لئی نموشی ول گل سی۔ اقبال اوہنوں طلاق دینا دا فیصلہ کرچکیا سی۔ اوہنے فیر سردار بیگم نال دوجی واری نکاح کیتا۔ سرداربیگم توں اقبال دے دو جواک ہووۓ۔

کتاباں[لکھو]

  • بال جبریل
  • بانگ درا
  • پیام مشرق
  • ضرب کلیم
  • اسرارخودی
  • جاوید نامہ
  • رموزبیخودی


اقبال تے پنجابی[لکھو]

اقبال اک پنجابی سی۔ پنجاب چ جمیا پلیا اودی ماں بولی پنجابی سی پر اونے کدے پنجابی چ شعر ناں اکھے۔