التتمش

التتمش دا مقبرہ

شمس الدین التتمش سلطنت دلی دا تیجا حکمران تے غلاماں ٹبر دا تیجا بادشاہ سی ۔ ایہہ قطب الدین ایبک دا غلام سی ۔ ہونہار ویکھ کے بادشاہ نے اسنوں اپنا داماد بنا لئیا ۔ 1211ء چ قطب الدین ایبک دے نا اہل پتر آرام شاہ نوں تخت توں لاہ کے خود حکمران بن گئیا ، اوس ویلے اوہ بہار دا صوبیدار سی ۔ تخت تے بیٹھدے سار ای اس نے اوہناں صوبیداراں دی سرکوبی کیتی جہڑے خودمختار بن بیٹھے سن ۔ پنجاب تے غزنی چ تاج الدین ، سندھ چ ناصر الدین قباچہ تے بنگال چ خلجیاں نے سر چکئیا ، اس نے سارےآں نوں مطیع کیتا 1226ء توں 1234ء تک دی درمیانی مدت چ راجپوتاں نال جنگ کر کے رنتھبور ، منڈو ، گوالیار تے اجین فتح کیتے ۔ 1221ء چ منگول سردار چنگیز خان خوارزم شاہی سلطنت دے با دشاہ جلال الدین خوارزم شاہ دا پچھا کر دا ہوئیا دریاۓ سندھ تک آ پہنچئیا پر دریا توں پرے دے علاقے تباہ تے برباد کر کے ای واپس پرت گئیا تے ہندستان اس خوفناک آفت توں بچ گئيا ۔ التتمش نے قطب مینار تے قوت اسلام مسیت نوں ، جنہاں نوں قطب الدین ایبک نا مکمل چھڈ کے مر گئیا سی ، مکمل کروائیا ۔ التتمش نے اپنی دھی رضیہ سلطانہ نون اپناجانشینمقررکیتا۔