الفونس مخا

Wikipedia توں
جاؤ: پاندھ, کھوج
الفونس مخا
Autoportrait de Mucha.png
جمیا: 24 جولائی 1860
مریا: 14 جولائی 1939

الفونس مخا(24 جولائ 1860 – 14 جولائی 1939) اک چیک آرٹسٹ سی جینے 1895 چ آرٹ نوو دی نیو رکھی۔

الفونس مخا 24 جولائی 1860 نوں آسٹریا ہنگری وچ اک چیک ٹبر وچ جمیا۔ اوہنوں نکے ہوندیاں توں ای ڈرائینگ دا شوق سی۔ 1879 وچ اوہ ویآنا آیا اک تھیٹر کمپنی دیاں مورتاں بنان لئی۔ اک نواب نے اوہنوں 1881 وچ اپنے قلعے وچ مورتاں بنان نوں آکھیا تے اوہ اودیاں بنیاں مورتاں ویکھ کے بڑا خوش ہویا تے اوہنوں آرٹ پڑھن لئی باہر پجوایا۔ اوہ میونخ تے پیرس آرٹ پڑھدا ریا۔ اوہ میگزیناں تے مشہوریاں لئی مورتاں بناناند سی۔ 1894 وچ اوہنوں سارا برنہارٹ دا پوسٹر اک ڈرامے ل‏ئی بنان دا کیا گیا سارہ نوں اوہدا پوسٹر ایڈا جنگا لگا جے اوہنے مخا نوں 6 سال ل‏ی اپنے پوسٹر بنان دا ٹھیکہ دتا۔

الفونس مخا نے مورتاں، مشہوریاں، کتابی مورتاں، گیہنے، قالین، دیواری کاغذ، تھیٹر کرسیاں رنکلے شیشے تے کم اپنے نویکلے ول نال بنائیاں ایس ول نوں پہلے مخا سٹائل تے فیر آرٹ نوو (نواں آرٹ) دا ناں دتا گیا۔

پیرس نمیش1900 نے اوہدے کم دی مانتا نوں ودھایا۔ اوہنے بوسنیا ہرزیگوینیا دا تھاں سجایا تے آسٹریا دے سجان وچ ہتھ ونڈائی کیتی۔ 1906 وچ اوہنے ویاہ کیتا تے اوہدے 2 نیانے سن۔ پہلی وڈی لڑائی مگروں جدوں چیکوسلویکیا وکھرا ہویا تے اوہنے اپنے دیس دے کرنسی نوٹ ٹکٹاں تے سرکاری کاغذ اپنے سٹائل وچ بناۓ۔

14 جولائی 1939 وچ اوہ پراگ وچ مریا۔

الفونس مخا دیاں مورتاں
Alfons Mucha - F. Champenois Imprimeur-Éditeur.jpg Mucha, Alfons - Prinzessin Hyazinthe - 1911.jpg Alfons Mucha - Fruit2.jpg Alphonse Mucha Exposition poster.jpg
الفونس مخا دیاں مورتاں
Alfons Mucha - 1896 - Spring.jpg Alfons Mucha - 1896 - Winter.jpg Alfons Mucha - 1896 - Summer.jpg Alfons Mucha - 1898 - Dance.jpg

بارلے جوڑ[لکھو]