امب

امب
Mango

دیس :	پاکستان

امب گرم دیساں وچ ہون والا گدے تے گڑک والا پھل اے ۔ اوس رکھ نوں وی امب کیندے نیں جیدے تے اے پھل لگدا اے۔ ایدا اصل دیس دکھنی ایشیاء اے۔ ایدیاں کئی قسماں گرم دیساں چ ہوندیاں نیں۔اینوں کھان توں مگروں ایدے شربت اچار وی بناۓ جاندے نیں۔ سندڑی, دوسہری, انور رٹول, چونسہ, لنگڑا, فجری ایدیاں پنجاب چ جانیاں پچھانیاں قسماں نیں۔ اسداپھل مئی دے انت چ بزار آن لگ جاندا اے۔ تے اگست تک ریندا اے۔

[لکھو] رکھ

امب دا رکھ 35-40 میٹر تک اچا جاندا اے تے ایدا رداس 10 میٹر تک ہوندا اے۔ ایس رکھ دی جوکھا لمماں جیون ہوندا اے۔کج قسماں 300 وریاں تک پھل دیندیاں نیں۔ جڑاں 20 فٹ تک ڈونگیاں جاندیاں نیں۔ پتے 15-35 سینٹی میٹر لمے تے 6-16 سینٹی میٹر تک چوڑے ہوندے نیں۔ پکیا پھل رنگ تے ناپ چ فرق رکھدا اے۔ پکن تے اپنی قسم نال پیلا مالٹائي ہرا یا سوا ہوسکدا اے۔ پکے امب چوں مہک آندی اے۔ ایدے اندر ایدا بی یا گٹک ہوندی اے۔

[لکھو] پھیلاو

امب ہزاراں وریاں توں ہندستان تے پنجاب چ اگایا جاریا اے۔۔ چڑدے ایشیاء اے ٹعائی ہزار ورے پیلاں اپڑیا۔ دسویں صدی چ چڑدے افریقہ تے فیر برازیل، میکسیکو تک اپڑ گیا۔ ایس ویلے 1000 دے نیڑے امب دیاں قسماں نیں۔

[لکھو] فیدا

100 گرام امب چوں 70 کلو کیلوری طاقت لبدی اے۔ کئي وٹامن ایدے چ نیں۔

[لکھو] پیداوار

گرم دیساں چ جنے پھل ہوندے نں اوناں چ ادھا پاسہ امباں دا اے۔ 2001 چ 23 ملین ٹن دے نیڑے امب ہویا۔ دنیا دے ادے دے نیڑے امب ھندستان چ ہوندے نیں۔

امب دی پیداوار دے لحاظ توں دیساں دی لسٹ

دیس	پیداوار (ٹن)
انڈیا	13,501,000
چین	3,752,000
میکسیکو	2,050,000
تھائی لینڈ	1,800,000
پاکستان	1,719,180
انڈونیشیا	1,620,000
برازیل	1,546,000
کل جگ دا	33,445,279