انقلاب فروری

Wikipedia توں
جاو: مدد, کھوج
مسلحہ مزدور تے فوجی گرفتار سپاہی دی حفاطت کردے ہوئے پیٹروگراد 1917ء

انقلاب فروری (روسی:فیورالسکایا ریوولوسیا) روس چ 1917ء چ آن آلے دو انقلاباں چوں پہلا انقلاب سی ۔ ایہہ 8 توں 12 مارچ (23 توں 27 فروری بمطابق جولین کیلنڈر) نوں پیش آئیا ، جس دے نتیجے چ زار روس نکولس II دے عہد ، روسی سلطنت تے رومانوف ٹبر دے اقتدار دا خاتمہ ہوگئیا ۔ زار دی تھاں روس دی غیر اشتراکی عبوری حکومت نے شہزادہ گيورگی لفوف دی قیادت ہیٹھ اقتدار سمبھالئیا ۔ جولائی دے فساداں مگروں لفوف دی تھاں الیگزیندر کیرنسکی نے لے لئی ۔ عبوری حکومت آزاد خیال تے اشتراکیآں وچکار اک اتحاد سی ، جہڑا سیاسی اصلاحات دے بعد اک جمہوری طور تے منتخب اسمبلی ساہمنے لیانا چاہندا سی ۔

ایہہ انقلاب بغیر کسے واضع قیادت یاں منصوبہ بندی دے وجود چ آئیا ۔ آمرانہ طرز حکومت ، اقتصادی کمزوری ، بدغنوانی تے قدیم طرز تے بنی فوج تے عوامی غیض تے غضب بالآخر اک انقلاب دی صورت چ ڈھل گئیا ۔ جس دا مرکز مغربی شہر پیٹروگراد سی ( جہڑا پہلی جنگ عظیم توں پہلاں سینٹ پیٹرزبرگ کہلاندا سی ؛ انقلاب روس دے بعد اسدا ناں بدل دے بالشویک آگو لینن دے ناں تے لینن گراد رکھ دتا گئیا سی تے سویت یونین دے ٹٹن مگروں مڑ اسدا ناں بحال کر کے سینٹ پیٹرزبرگ کر دتا اے )۔ انقلاب فروری دے بعد 1917ء چ دوجا انقلاب آئیا جسنوں انقلاب اکتوبر آکھئیا جاندا اے ۔ جس دے نتیجے چ بالشویک برسراقتدار آ گئے تے روس دے سماجی ڈھانچے چ وڈیاں تبدیلیاں ہوئیاں تے اس دے نتیجے چ سویت یونین قائم ہوئیا ۔ 1917ء دے ایہہ دونہے انقلاب دیس دے نظام حکومت ج مڈھلیآں تبدیلیآں لیائے : پہلا نقلاب ملوکیت دے خاتمے دا باعث بنئیا تے دوجے نے نویں طرز حکومت دی نیونہہ رکھی ۔

ہور ویکھو[لکھو]