اورکا

آزاد انسائیکلوپیڈیا، وکیپیڈیا توں
اورکا
دیس : جنور
برادری: کورڈیٹ
ٹولی: ددپلانے
پتی: سیٹیشیا
ٹبر: سمندری ڈولفن
سائینسی ناں: Orcinus orca
دنیا تے پھرن تھاں نیلے رنگ وچ

قاتل وہیل یا اورکا ڈالفن ٹبر دا سب توں وڈا جانور اے۔ ایہ ہر وڈے سمندر چ ہوندی اے۔ کلر وہیل سمندر دی سب توں وڈی تے سیانی شکاری اے۔ زبردست تے موقعے توں فائدا چکن آلے شکاری نیں۔ کج کلر وہیلاں چھوٹیاں مچھیاں کھاندیاں نیں تے کج سمندری شیر، والرس، شارکاں تے وڈیاں وہیلاں نوں وی کھا جاندیاں نیں۔ ایہ ٹبر وچ کمدیاں پھردیاں نیں۔

وکھالہ[سودھو]

اورکا ڈولفناں دے ٹبر دی سب توں وڈی ڈولفن اے جیہڑی 9.8 میٹر تک لمی ہوسکدی اے۔ ماداواں 8.5 میٹر تک جاندیاں نیں تے نراں دا مدرا ناپ 8.2 میٹر تے ماداواں دا مدرا ناپ 7 میٹر تک جاندا اے۔ سب توں چوکھے جوکھ والی ڈولفن 6.6 ٹن دی سی تے 7.65 میٹر لمی سی۔ ایہدی اچیچی گل ایہدا 1.8 میٹر اچا تکونا مگر پر اے۔ ماداواں دا ایہ پر 1 میٹر توں تھلے ای ریندا اے۔ پیڈل ورگے پاسہ پر نراں وچ 2 میٹر دے ماداواں وج ڈیڑھ میٹر لمے ہوندے نیں۔ مگر پوچھل 2.8 میٹر چوڑی ہوندی اے۔ سآ لینوالا مگورا 1-2 میٹر اچا تے اتے لگا ہوندا تے عام نہیں دسدا۔

اورکا دی اچیچی گل ایہدا کالا چٹا رنگ اے۔ ایہ کالی اے پر ایہدا ٹڈ تے اکھاں پچھے تھوڑا تھوڑا انگ چٹا ہوندا اے۔

پسار[سودھو]

اورکا سارے سمندراں تے وڈے سمندراں وچ ملدی اے۔

بارلے جوڑ[سودھو]