اگوازو آبشار
اگوازو برازیل تے ارجنٹاین دی سرحد دے نیڑے دریائے اگوازو تے واقع اک وڈی آبشار اے ۔ ایہہ اوس تھاں تے بندی اے جتھے دریا اپنے پوورے جوبن تے ہندا اے ۔ 262 میٹر دی بلندی توں ڈگن آلا پانی اینا زیادہ ہندا اے کہ اس نال ہر سیکنڈ چ اولمپک کھیڈاں چ استعمال ہون آلے تیراکی دے 6 تلاء(حوض)بھرے جا سکدے نیں ۔
آبشاراں دا ایہہ عظیم نظام صرف 7۔2 کلومیٹر دے رقبے تے تقریبا 270 آبشاراں تے مشتمل اے ۔ کجھ آبشاراں 82 میٹر تک بلند نیں جدوں اکثر آبشاراں دی بلندی 64 میٹر اے ۔ 150 میٹر چوڑی تے 700 میٹر لمبی انگریزی دے اکھر"U" دی شکل دی اک ڈھلان جسنوں شطان دا سنگھ ( انگریزی چ :Devil's Throat) آکھئیا جاندا اے اینہآں ساریاں چوں سب توں متاثر کرن آلی اے ۔ اس سلسلے دیاں زیادہ تر آبشاراں ارجنٹاین چ نیں پر اینہاں دا بہترین نظارہ برازیل ولوں کیتا جا سکدا اے ۔ ایہہ مشہور زمانہ نیاگرا آبشار توں کتے وڈیاں نیں تے اس دا مقابلہ صرف افریقہ دی وکٹوریہ آبشار کر سکدی اس جہڑی زمبابوے تے زیمبیا دی سرحد تے واقع اے ۔
اس آبشار نون علاقے دے دوناں دیساں چ قومی پارک دا درجہ دتا گئیا اے ، جہڑے برازیل تے ارجنٹاین دوناں چ اگوازو نیشنل پارک کہلاندے نیں ۔ دونے پارک یونیسکو دے عالمی ثقافتی ورثے دا حصہ نیں ۔
 |
وکیمیڈیا کامنز چ مورتاں: Iguaçu Falls |
[لکھو] بارلے جوڑ
اگوازو · ایمیزون برساتی جنگل تے دریائے ایمیزون · ہالونگ بے · جیجو جزیرہ · کوموڈو جزیرہ · پورٹو پرنسسا نیشنل پارک · ٹلہ ٹیبل
