ایتھنز

Wikipedia توں
جاو: مدد, کھوج
Athens montage.jpg


ایتھنز یونان دا راجگھر تے سب توں وڈا شہر اے ، جیہڑا کہ جمہوریت دی جنم بھومی اے ۔ شہر دا ناں یونانی دیومالا دی دیوی ایتھنا دے ناں تے رکھیا گئیا اے ۔ 37 لکھ آبادی دا ایہہ شہر شمال تے مشرق ول ہور ودھ رہیا اے تے یونان دا اقتصادی ، صنعتی ، ثقافتی تے سیاحتی مرکز اے ۔


قدیم ایتھنز اک طاقتور ریاست تے افلاطون تے ارسطو دے تعلیمی اداریاں دی وجہ توں علم دا معروف مرکز سی ۔ اس نوں چوتھی تے 5ویں صدی قبل مسیح وچ اوس ویلے تک دریافت شدہ یورپ تے اپنے گہرے سیاسی تے ثقافتی اثرات دی وجہ توں مغربی تہذیب دا مڈھ سمجھیا جاندا اے ۔ شہر ، پارتھیون ، ایکروپولس (بلند شہر) ، کیلی کریٹس تے فیڈیاس ورگے معروف تعمیراتی شاہکاراں دے علاوہ کئی قدیم یادگاراں تے فن تعمیر دے نادر نمونیاں دا حامل اے۔ ایہناں چوں کئی ثقافتی یادگاراں دی 2004ء دیاں ایتھنز اولمپک کھیڈاں توں پہلے تزئین و آرائش کیتی گئی سی ۔


ناں[لکھو]

شہر دا ناں یونانی دیومالائی داستاناں دی دیوی ایتھنا دے ناں تے ایتھنز رکھیا گئیا سی۔اک پرانی یونانی کعانی ایہھ کندی اے جے جدون ایس شہر دا نان رکھیا جاریا سی تے دو دیویاں نیں اپنے ناں تے شہر دا ناں رکھن دی مانگ کیتی تے اپنے ولوں اوناں نیں شہر نوں اک اک سغات وی دتی: 1970ء دی دہائی چ ایتھنا نوں شہر دا قنونی ناں قرار دتا گئیا ۔ پوزیدن نے نون والے پانی دا سوآ اپنی ترنگلی مار کے ٹوریا ایتھنا نیں شہر نوں زیتون بنا کے دتا جیہڑا امن تے خوشحالی دا نشان اے۔ ایتھنز دیاں واسیاں نیں زیتون نوں پسند کیتا تے ایتھنا دا ناں رکھ دتاگیا۔

تریخ[لکھو]

ایتھنز دی بنیاد کدوں رکھی گئی ؟ اس بارے کجھ پتا نہیں پر 1 ہزار سال قبل مسیح وچ یونانی تہذیب دے سنہرے دور وچ ایتھنز یونان دا اک ابھردا ہویا شہر سی ۔ یونان دے سنہرے دور (500ق م -323ق م) وچ ایہہ دنیا دا ثقافتی تے تعلیمی مرکز سی ۔

سنہ431 ق م چ ایتھنز اک دوجی شہری ریاست سپارٹا توں شکست کھا گیا تے تباہی دا شکار ہویا ۔

سن529ء وچ عیسائی بازنطینی سلطنت نے فلسفے دی تعلیم دیاں درس گاہاں نوں بند کردتا تے ایتھنز اپنی تعلیمی حثیت گوا بیٹھا ۔ گیارہویں تے بارہویں صدی عیسوی دے دوران بازنطینی شہر دی حثیت نال ایتھنز اک وار فیر عالمی افق دے ابھریا ، تے شہر دے آل دوالے بنے سارے اہم بازنطینی گرجے ایسے دور وچ قائم ہوئے ۔

تیرہویں تے 15ویں صدی وچ شہر نوں اس ویلے زبردست نقصان پہنچیا جدوں یونانی بازنطینی تے فرانسیسی ، اطالوی صلیبیاں دے وچکار شہر وچ جنگ لڑی گئی ۔1458ء وچ سلطنت عثمانیہ دے فرمانروا سلطان محمد فاتح نے شہر نوں فتح کرلئیا ۔ شہر وچ داخلے دے بعد سلطان اس دی خوبصورتی توں بہت زیادہ متاثر ہوئیا تے فرمان جاری کیتا کہ شہر دی کسے وی تریخی عمارت یا مقام نوں کوئی نقصان نہ پہنچائیا جائے ۔ فتح ایتھنز توں مگروں پارتھیون نوں مسجد وچ تبدیل کردتا گیا ۔

سنہ1821ء توں 1831ء دے دوران یونانی جنگ آزادی وچ عثمانیاں دا ایس شہر تے اثر و رسوخ ختم ہون لگا ۔ جدوں 1834ہ ایتھنز نوں آزاد یونان دا راجگھر قرار دتا گئیا تے اوس ویلے ایس دی آبادی صرف 5 ہزار سی ۔ اگلیاں کُجھ دہائیاں وچ شہر دی جدید بنیاد تے نویں سرے توں تعمیر کیتی گئی ۔ 1896ء وچ ایس شہر نے پہلے جدید اولمپک گیمز دی میزبانی کیتی ۔

شہر وچ دوجی وڈی توسیع اوس ویلے ہوئی جدوں ایشیاۓ کوچک دے یونانی مہاجراں لئی آبادیاں قائم کیتیاں گئیاں ۔ دوجی جنگ عظیم وچ جرمنی نے ایتھنز تے قبضہ کرلیا تے شہر نوں زبردست نقصان پہنچایا ۔

جغرافیہ[لکھو]

ایتھنز اٹیکا دے ویہڑے چ وس ریا اے۔ ایدے چار چفیرے چا اچے پعاڑ: ایگالیو لیندے پاسے، پارنتھا اتلے پاسے، پنٹلی اتلے چڑھدے پاسے، تے ہائیمٹس چڑھدے پاسے ول اے۔ دکھنی لیندے چ سارونک خلیج اے دکھنی لیندے چ پرنتھا پعاڑ 4636 فٹ دی اچائی تے چار پعاڑاں چوں سب توں اچا پعاڑ اے تے اے اک پارک وی اے۔ ایتھنز شہر کئی پعاڑاں تے تے اونے الے دوالے وس ریا اے جناں چ سب توں اچا لائکبیٹس اے اے جیہڑا 900 فٹ توں ود اچا اے۔ ایدا جغرافیہ اینجدا اے جے ایتھے میلی ہوا پھیلی ریندی اے جیہڑی اک وڈا مسلہ اے۔

آرکیٹکچر[لکھو]

یونان پرانے یونانی آرکیٹکچر دا کعر اے۔ پرانے ویلے دے مندر تے کوٹھیاں دنیا دے آرکیٹکچر تے اثر پایا تے اے۔ پارتھینن ایدی وڈی ادھارن اے۔


میوزیم[لکھو]

ایتھنوز دے سب توں چوکھے ویکھے جان والے میزیم اے نیں: نیشنل آرکیالوجیکل میوزیم، بناکی میوزیم، بائیزنطائن تے کرسچن میوزیم، نومسمیٹک میوزیم، میوزیم آف سائکلاڈک آرٹ، نیو ایکروپولس میوزیم۔ ایناں دے نال نکے تے لوکاں دے آپنے میوزیم وی ایتھنز چ ہیگے نیں۔

لوک[لکھو]

ایتھنز شہر دی لوک گنتی 745000 توں اپر اے تے الے دوالے دے تھانواناں جناں نوں میٹرو ایتھنز کیا جاندا اے نوں رلا کے ایدی لوک گنتی 32 لکھ دے نیڑے اے۔ کج لوکاں دے نیڑے ایتھے 50 لکھ دے نیڑے لوک وس رۓ نیں۔ کیاں دی گنتی نیں۔ ایتھے 2 لکھ دے نیڑے مسلمان وی وسدے نیں۔ چوکھے سارے پاکستانی وی ایتھنز نوں اپنا دیس بنا چکے نیں۔ پرانا ایتھنز ایکروپولس دے پعاڑ دے آلے دوالے وسدا سی تے پائیرس اک وکھرا شہر تے بندرگاہ سی پر ہن دونوں رل گۓ نیں۔

ایتھنز نوں 1834 چ یونان دا راجگڑھ بنایا گیا۔

اولمپک کھیڈ[لکھو]

1896 دے اولمپک کھیڈ پہلی واری ایتھنز توں ٹرے۔ اے پرانے ویلیاں چ وی ایتھے ہوندے سن۔ ایس دے مگرون 2004 فیر ایتھے اولمپک کھیڈ کراۓ گۓ۔ ایناں کھیڈاں توں ایتھنز تے پیس لا کے اینوں اک نویں ویلے دا شہر بنا دتا گیا۔