ایلفا پارٹیکل

Wikipedia توں
جاؤ: پاندھ, کھوج
Alpha Decay.svg

ایلفا پارٹیکل دو پروٹاناں تے دو نیوٹراناں نال رل کے بنیا ہویا پارٹیکل اے جیہڑا کہ ہیلییم دے نیوکلیس دی طرج دا ہوندا اے اس واسطے ایہنوں اینج He2+ یا 42He2+ وی لکھیا جا سکدا اے۔ ایہناں دی گھمن دا زور صفر اے تے ایہناں وچ 5میگا الیکٹران وولٹ جنا زور ہوندا اے۔ ایہناں وچ آئیو نائیزیشن واسطے بہت طاقت ہوندی اے تے کم زور ہوندا اے۔

جدوں کوئی ایٹم ایلفا پارٹیکل کڈھدا اے تے ایہدا ایٹمی نمبر 2 درجہ کٹ دا اے کیونجے اک ایلفا پارٹیکل وچ 2 پروٹان ہوندے نیں تے دو پروٹاناں دے نکلن تے ایہدا ایٹمی نمبر بدلدا اے تے ایہہ کوئی ہور عنصر بن جاندا اے جنج یورینیم جدوں اک ایلفا مارٹیکل چڈھدا اے تے ایہہ تھوریم بن جاندا اے تے ریڈیم ریڈون گیس بن جاندی اے۔

ایلفا پارٹیکل سارے وڈے تابکار عنصر چھڈدے نیں ایس توں علاوہ دوجے نکے ایٹم وی ایلفا چھڈن دے قابل ہوندے ٹیلوریم سب توں آخری عنصر اے جیہڑا کہ ایلفا پارٹیکل چھڈدا اے۔ ایلفا پارٹیکل چھڈن تے ایٹم وچ افراتفری ہو جاندی اے جیہنوں بیلنس کرن لئی ایٹم گیمے شعاواں چھڈدا اے۔

لبنا[لکھو]

ارنسٹ ردرفورڈ اک فزکس تے کیمسٹری دا گرو سی۔ ردرفورڈ نے ریڈیم نوں اک سیسسے دے بلاک وچ رکھیا تے اوہدے اگے اک سوراخ کیتا اس سوراخ دے دوالے اوہنے اک مقناطیس رکھ دتا۔ ریڈیم توں آن والیاں تابکار شعاواں مقناطیس دی وجہ توں علیحدہ ہو جاندیاں نیں ردرفورڈ نے ایلفا پارٹیکل نوں اک شیشے دی ٹیوب دے اندر جان دتا جیہدے وچ خلا ہوندا اے۔ جدوں ٹیوب وچ بجلی لنگھائی جاندی اے تے ایہدا سپیکٹرم ہیلیم دے سپیکٹرم دے برابر ہوندا اس نال ردرفورڈ نے اے پتہ لایا کہ ایہہ اصل وچ ہیلیم دے نیوکلئی ہوندےنیں۔