اے 10 تھنڈربولٹ

Wikipedia توں
جاو: مدد, کھوج
A-10 Thunderbolt II In-flight-2.jpg

اے 10 تھندربولٹ زمینی فوجاں دی مدد لئی بنائیا جان آلا ہوائی جہاز اے ۔ اسدا ڈیزائن دلچسپ تے اسدیاں خوبیاں حیران کن نیں ۔ اسنوں فیئر چائلڈ امریکہ نے بنائیا اے ۔ خاص طور تے ایہہ ٹینکاں دے خلاف ورتیا جاندا اے ۔ اسدے اگلے بنھے اک توپ جی اے یو -8 ایوینجر لگی ہندی اے جسدیاں 6 گولیاں اک ٹینک نوں تباہ کرن لئی کافی ہندیاں نیں ۔


بکتر[لکھو]

اے_10 چ ٹٹانیم دا بنئیا ہوئیا اک بکتر لگا ہندا اے جہڑا اس دے وزن دا 6 فیصد ہندا اے ۔ ایہہ اسنوں 20 ملی میٹر دیاں گولیاں توں مکمل بچا سکدا اے ۔ ایہہ اک پر دے وڈے حصے تے اک انجن دے بغیر وی اڑ سکدا اے ۔ ایہہ گل 2003ء دے امریکہ دے عراق تے حملے دے بعد ثابت ہوئی جدوں اک اے-10 دا پر تے انجن تباہ ہو گئے تے اوہ اترن چ کامیاب ہو گئیا ۔


اسلحہ[لکھو]

ایہہ جہاز جی اے یو 8 ایوینجر گن ٹینکاں دے خلاف ورتدا اے ۔ اسدے علاوہ ایہہ اے جی ایم -65 مزائل وی لے جا سکدا اے ۔ ایہہ ای سی ایم پاڈ وی لے کے جاندا اے جہڑا ریڈار جام کرن لئی ورتئیا جاندا اے ۔ ایہہ اپنے دفاع لئی 2 عدد سائیڈ ونڈو میزائل وی لے کے جاندا اے ۔

بارلے جوڑ[لکھو]