بابل دی اسیری
بابل دی اسیری توریت دے مطابق اوہ عرصہ اے جہڑا بنی اسرائیل نے شہر بابل چ قید دی حالت چ گزاریا ، جدوں بنوکد نصر یا بخت نصر شاہ بابل نے یروشلم نوں تباہ کردتا سی تے بنی اسرائیل نوں قیدی بنا کے بابل لے گئیا سی ۔اس اسیری دا عرصہ 70 سال دسیا جاندا اے ۔ 539 ق م چ سائرس اعظم شاہ ایران نے جد بابل فتح کیتا تے اسرائیلیاں نوں بیت المقدس واپس جان دی اجازت مل گئی ۔ بعض لوک اسرائیلیاں دی پراگندگی نوں اک ہور واقعے نال جوڑ دے نیں تے کہندے نیں کہ ہندستان چ آن والے آریا اصل چ ایہو بنی اسرائیلی سن پر ایہہ خیال غلط اے کیونجے بنی اسرائیل جتھے وی گئے اوہناں نے اپنی مخصوص تہذیب برقرار رکھی ، جدوں کہ آریائی تہذیب چ اس دی کوئی مشابہت نئیں ملدی ۔
اک ہور نظریہ ایہہ وا کہ بنی اسرائیل دا اک قبیلہ بنو افغانہ فرار ہوکے افغانستان دیاں علاقیاں چ آگئیا تے اج دی ساری پشتون یا افغان آبادی اینہاں دی ای اولاد اے پر اسدے متعلق وی کجھ یعقین نال نئیںکہیاجاسکدا۔
