بُلھ

آزاد انسائیکلوپیڈیا، وکیپیڈیا توں
(بل توں مڑجوڑ)

بُلھ بندیاں تے جانوراں دے مُکھ تے پایا جاݨ آلا تے واضح طور تے نظر آوݨ آلا اک حصا اے۔ بُلھ نرم اگے نوں ودھویں تے ہِلدے جلدے رہندے نے۔ بل خوراک نوں منہ وچ پان لئی، اوازاں کڈن لئی تے بولن لئی مدد کردے نیں۔ بل بوت حساس انگ ہوندے نیں تے چمن لئی ورتے جاندے نیں۔

کاکے دے بُلھ

باہرلا دکھالا[سودھو]

اُتلے بُلھ نوں "لیبیم سپیریئر اورس" تے تھللے بُلھنوں "لیبیم انفیریئس اورس" آکھیا جاندا اے ۔ دوویں بل جیس تھاں توں مونھ دی جِلد نال جُڑدے نیں اوہنوں "ورمیلین حد" کہیا جاندا اے ۔ اتلے بُلھ دی ورمیلین حد نوں "کیوپڈ تیر" وی آکھیا جاندا اے۔ اتلے بل دے مڈھلے ابھرے حصے نوں "ٹیوبرکل" آکھیا جاندا اے۔ اتلے بل توں نک تک جان آلی کھڑی ڈونگی لکیر نوں "فلٹرم" آکھیا جاندا اے۔

بُلھ دی جلد وچ ترے توں پنج تہواں ہوندیاں نیں تے ایہ باقی منہ دی جلد توں پتلی ہوندی اے، منہ دی جلد وچ 16 تہواں ہوندیاں نیں۔ بل دی جلد پتلی ہون باجوں ایہدے وچ "میلانن" بنان آلے ولگن تھوڑے ہوندے نیں جیدی وجہ توں لعو ناڑاں ویکھی جا سکدیاں نیں تے بل گلابی نظر آندے نیں۔ گہرے رنگ آلے بل وچ میلانن ود ہوندا اے۔ بل دی جلد منہ دی جلد تے منہ دے اندر میوکس آلی جلد دے وچکار اک حد بناندی اے۔

گاوندے بُلھ

بُلھ دی جِلد تے وال نئی ہوندے تے نا ای پرسینے دے غدود ہوندے نیں۔ ایس لئی بل دی تھاں تے حفاظت نئی ہوندی، جرثومے توں بچاؤ نئی ہوندا تے بل گرم نئی رہندے۔ ایس لئی بل چھیتی خشک ہو جاندے نیں۔

اندرلا دکھالا[سودھو]

بُلھ دی اندر دی جلد "نشان دار سکوئیموس ایپیتھیلیم" دی بنی ہوندی اے۔ میوکس جھلی تے حسی لگن ہوندے نیں ایس لئی اے بہتی حساس ہوندی اے

چمدے بل

حسی نرو

  • ٹرائیجیمنل نرو
    • انفرا آربیٹل نرو او نرو اے جو اتلے بل تے منہ دی جلد لئی کم کردی اے۔ اے نک لئی کم نئی کردی۔
    • مینٹل نرو او نرو اے جو جلد، میوکس جھلی تے تھلویں بل لئی کم کردی اے۔

لعو پہنچائی

"فیشل آرٹری" ، "بارلی کیروٹڈ آرٹری" دی ٹہنی اے جو اتلے تے تھلویں بل نوں لعو پہنچاندی اے۔

بُلھ تے کم کرن آلے پٹھے

بُلھ لئی کم کرن آلے پٹھے، منہ تے شکلاں بنان لئی وی ورتے جاندے نیں۔ اے پٹھے میزوڈرم وچ ہوندے نیں تے فیشل نرو نال جڑے ہوندے نیں۔ اے پٹھے ڈرمس وچ پینیکولس کارنوسس نال جڑے ہوندے نیں جناں وچ جھریاں پیندیاں نیں تے ڈمپل بندے نیں۔ اے پٹھے منہ، نک تے آرپٹ دے آلے دوالے ہوندے نیں۔

ہسدے بلھ

بلھ تے کم کرن آلے پتھیاں وچ شامل نیں:

  • سفنکٹر
    • بکینیٹر
    • آربیکیولیرس اورس
  • اینکر تھاں
    • موڈیولس
  • بُلھ دا ابھار
جامنی بلھ
    • لیواٹر لیبائی سوپیریورس
    • لیواٹر لیبائی سوپیریورس الیقے نیسی
    • لیواٹر انگولی اورس
    • زائیگو میٹکس مائینر
    • زائیگو میٹکس میجر
  • بل دا اتار
    • رسوریئس
    • ڈپریسر انگولی اورس
    • ڈپریسر لیبائی انفیریورس
    • مینٹالس

بُلھ دے کم[سودھو]

چھدوائے بُلھ

بُلھ دے اپنے پٹھے ہوندے نیں ایس لئی بل نوں حرکت کرنا اسان اے۔ بل کھان ویلے ٹُکر نوں پھڑن تے اندر کرن دا کم کردے نیں۔ ایس توں علاوہ بل منہ نوں بند کرن دا کم وی کردے نیں جے کھانا پینا باہر نا ڈگے۔ نکا جیا منہ کھولو تے کوئی شے چھکن چ اسانی لبدی اے جیویں کاکیاں نیں ماں دا دد پینا ہووے ۔ ایس توں علاوہ بُلھ کوئی پین دی شے چھکن دا کم وی کردے نیں ۔

اوازاں کڈھنا تے بولنا

بُلھ دی مدد نال وکھریاں اوازاں کڈھیاں جاندیاں نیں ۔ کانسونینٹ تے واول اوازاں کڈدے نیں دس بولن دا اہم وکھالا ہین۔ بلھ دی مدد توں سیٹی وجدی اے تے ہوا توں چلن آلے موسیقی دے آلے چلدے نیں۔

رنگلے بلھ

محسوس کرنا

بُلھ وچ برو دے کئی سرے ہوندے نیں تے ایس لئی اتھے زیادہ محسوس ہوندا اے۔ بل چھون لئی، تاپ لئی تے ٹھنڈک لئی کافی حساس ہوندے نیں۔

ایروجینس تھاں

بلھ تے نرو سرے بہت زیادہ ہوندے نیں ایس لئی اے ایروجینس تھاں دے طور تے ورتیا جاندا اے۔ بل نوں چمن لئی ورتیا جاندا اے۔

منہ تے شکلاں

بلھ شکلاں تے جذبات ظاہر کردے نیں۔ مسکران ویلے بلھ ڈِنگے ہو جاندے نیں۔

باہرلے جوڑ[سودھو]