بلند ایجوت

آزاد انسائیکلوپیڈیا، وکیپیڈیا توں

بلند ایجوت (1925ء-2006ء) ترکی دا سابق وزیر اعظم سی تے اپنے 40 سالہ سیاسی جیون چ 5 وار ترکی دا وزیراعظم بنیا ۔ اس نوں 2002ء چ اوس ویلے حکومت توں لاہ دتا گئیا جدوں اسنے صحت خراب ہوں دے باوجود حکومت چھڈن توں انکار کردتا سی ۔ اس نوں اوس ویلے ترکی چ اقتصادی مشکلات لئی وی ذمہ دار ٹھہرائیا گئیا ۔

ایجوت نے 1974ء چ قبرص دے ترک گھٹ گنتی دے تحفظ لئی جزیرے تے حملے دا حکم دتا سی ، جس دے بعد ہون آلی قبرض دی ونڈ اج وی قائم اے ۔ ایجوت نے ترکی نوں یورپی یونین دی رکنیت تے مغرب دے نیڑے لیان چ اہم کردار ادا کیتا ۔

ایجوت سوشلیسٹ سی تے اس نے دیس چ مذہبی جماعتاں دی سختی نال مخالفت کیتی ۔ اس نے 1974ء چ ترکی دے پہلے کھبے پاسے نال تعلق رکھن آلے وزیر اعظم دی حثیت نال عہدہ سمبھالئیا ۔ ایہہ اپنے سماجی جمہوری نظریات دے باوجود انتہائی قوم پرست سی ۔ قبرض تے حملے دے بعد اسنوں ترکی چ اک ہیرو دا درجہ مل گئیا پر سال ختم ہون توں پہلاں ای اسدی مخلوط حکومت ٹٹ گئی ۔

سنہ 1980ء دی فوجی بغاوت دے بعد اسنوں قید چ وی رکھئیا گئیا ، اسدے اتے 10 سال تک سیاست چ حصہ لین تے پابندی رہی ، جس دوران اس نے اک اعتدال پسند بزرگ آگو دے طور تے شہرت پائی ۔ 1997ء چ اسدی حکومت چ ترکی نوں یورپی یونین دے امیدوار دے طور تے تسلیم کر لئیا گئیا ۔ 2002ء چ ترکی دی کرنسی دی قیمت ج کمی دے ب عد حالات اینے خراب ہوگئے کہ معیشت نوں بچان لئی آئی ایم ایف دی مدد لینی پئی ۔ بلند ایجوت نے چوناں چ ناکامی دے بعد 2006ء چ سیاست توں علیحدگی اختیار کر لئی ۔