بل گیٹس

آزاد انسائیکلوپیڈیا، وکیپیڈیا توں

بل گیٹس اک امریکی کاروباری لیکھی تے انساناں دا دردی اے۔ اونے کمپیوٹر کمپنی مائیکروسوفٹ دی نیو رکھی۔ اوہ بوت عرصے واسطے جگ دا سب توں امیر بندہ ریا تے ہن اوہ جگ دا دوجا سب توں امیر بندا اے۔

جم پل[سودھو]

بل گیٹس سیاٹل، واشنگٹن چ 28 اکتوبر 1955 چ جمیا۔ اودا پیو ہینری گیٹس اک وکیل سی تے اودی ماں اک کمپنی چ ڈائیریکٹر سی۔ اوہ نکی عمر دا سی جدوں اونوں پہلا کمپیوٹر ملیا۔ اونوں پروگرامنگ دا چا سی تے اونے بیسک چ پروگرامنگ شروع کر دتی۔ اونے انپا پہلا پروگرام اک زیرو-کاٹے دی گیم بنائی جیدے چ ورتن آلے کمپیوٹر دے خلاف کھیڈدے سن۔ اونے تے اودے تین سنگیاں نے پروگرامنگ سکھی تے پروگرام بناندے رۓ۔ اوناں نوں 1971 چ انفارمیشن انکارپوریشن نے نوکری دے دتی۔ اونے مدرسے واسطے وی پروگرام لکھے۔

1973 چ اونے ہائی سکول پاس کرلیا تے SAT ٹیسٹاں چ 1600 چوں 1590 نمبر لۓ جیدے توں اونوں ہارورڈ یونیورسٹی چ داخلہ مل گیا۔ اونے اپنی یونیورسٹی چ دوجے ورے چ اک کیکاں نوں سنبھالن دا پروگرام بنایا جیڑے 30 وریاں چ سب تیز کم کرن آلا پروگرام سی۔ اج تک اس توں تیز کم کرن آلا پروگرام وی صرف 1٪ بوتا تیز اے۔ گیٹس ہارورڈ دے کمپیوٹراں تے اپنا بوتا ویلا لنگاندا سی تے 1974 چ اوہ اپنے سنگی پال ایلن دے نال ہنی ول کمپنی چ ٹر گیا۔

بل گیٹس تے اودی ٹبری

مائیکروسافٹ[سودھو]

جنوری 1975 چ اونے MITS کمپنی نوں سنعیا لکھیا کہ اوناں دے نووے کمپیوٹر دا سافٹویئر سسٹم اوہ بنا دۓ گا۔ اس کمپنی دا صدر گیٹس تے ایلن نوں ملن آیا تے اونوں اوناں دا کم پسند آیا۔ صدر نے ایلن نوں رکھ لیا تے گیٹس نے وی کم کرن واسطے یونیورسٹی توں چھٹیاں لے لئیاں تے کمپنی آگیا۔ اوسے ویلے بل گیٹس تے پال ایلن نے اپنی ساجےداری دا ناں مائیکروسافٹ رکھ لیا۔ 26 نومبر 1975 نوں مائیکروسافٹ کمپنی رجسٹر ہو گئی۔

1976 چ مائیکروسافٹ MITS توں وکھری اک علیحدہ کمپنی بن گئی۔ کمپنی دے شروع دے وریاں چ کمپنی دے سارے ملازم کمپنی دے کئی کم کردے سن تے گیٹس آپے سارے سافٹویئر نوں ماپدا سی تے اپنی طرفوں وی شیواں پاندا سی۔ 1980 چ آئی بی ایم IBM کمپنی نے اپنے کمپیوٹر IBM-PC واسطے آپریٹنگ سسٹم بنان لئی مائیکروسافٹ نوں کیا۔ مائیکروسافٹ نے 50،000 ڈالر دے بدلے مائیکروسافٹ ڈاسMS-DOS بنا دتا۔ مگر گیٹس نے ڈاس دا پروگرام آئی بی ایم دے ناں نئیں کیتا جیدے توں دوجیاں کمپنیاں نے مائیکروسافٹ توں اے سافٹویئر لیا۔ مائیکروسافٹ اک وڈی کمپنی بن گئی تے اینوں واشنگٹن چ ٹوردتا گیا۔ بل گیٹس ایدے بورڈ دا چیئرمین تے کمپنی دا صدر بن گیا۔

مائیکروسافٹ نے 20 نومبر 1985 نوں مائیکروسافٹ ونڈوز دا پہلا ورژن ویچنا شروع کیتا۔ اوہ اپنی کمپنی مائیکروسافٹ نوں بوت سختی دے نال ٹوردا سی تے کمپنی دے دوجے مینیجراں نال ویلے توں ویلے گل بات کردا ریندا سی۔ اودا کم تے صرف کمپنی نوں ٹورنا سی مگر اوہ 1989 تک سافٹویئر کوڈ لکھدا ریا۔ 15 جون 2006 نوں اونے اے دسیا کے اوہ 2 وریاں چ کمپنی دا کم دوجیاں دے ہتھ دے دۓ گا تے آپے فلاحی کم شروع کرے گا۔


بارلے جوڑ[سودھو]