بنجمن فرینکلن

آزاد انسائیکلوپیڈیا، وکیپیڈیا توں
بنجمن فرینکلن
جیون: 17 جنوری 1706 بوسٹن،میساچیوسٹس
مرن: 17 اپریل 1790 فلاڈیلفیا،پنسلوانیا
کم : لکھاری،سائنسدان،تاجر،سفیر

بنجمن فرینکلن (1706-1790) اک امریکی لکھاری سیاستدان سائنسدان تاجر تے کتاباں چھاپن والا سی۔

بنجمن فرینکلن 17 جنوری 1706 نوں بوسٹن چ جمیا اودے پیو دا ناں جوسیا فرینکلن تے ماں دا ناں ابیا فولگر سی اوہ 17 پعن پعرا سن تے بنجمن دا نمبر 15واں سی۔ اوہ دس وریاں دا سی جدوں سکولوں ہٹا لیاگیا تے وڈے پعرا جیمز نال اودے چھاپی خانہ تے کم کرن لگ گیا۔ فرینکلن 17 وریاں دا سی جدوں اوہ جیمز نال لڑ کے فلاڈیلفیا ٹر گیا۔ تے کسے پرنٹنگ پریس تے کم کرن لگ گیا۔ پنسلوینیا دے گورنر دے سکے لارے تے لندن ٹرگیا واپس آ کے اک دکان تے کلرکی کرن لگ گیا۔ 1730 چ اونے اپنا چھاپہ خانہ لگایا تے پنسلوانیا آزٹ دے ناں توں اپنا اخبار ٹوریا۔ 1931 چ اوہ فری میسنری ٹولی وچ رل گیا تے ساری جندڑی ایدا سنگی ریا۔ پوور رچرڈ المانیک اک جنتری 1733 چ اونے لکھنی ٹوری جیڑی بڑی وکی تے 1758 تک چھدی رئی۔ مرن توں مگروں اودی آپ لکھی جیون کعانی چھپی جیڑی بڑی مشہور ہوئی۔

سائنسی کم[سودھو]

بنجمن فرینکلن منیا ہویا سائنسدان وی سی اودیاں بنایاں ہویاں شیواں چ سٹوو ، بائی فوکل عینک ،تے بدلاں چ بجلی ہیگے نیں۔

سماجی کم[سودھو]

1737 چ بنجمن فرینکلن نے امریکہ دے پیلے فائر بریگیڈ نوں ٹوریا۔ اونوں پنسلوینیا اسمبلی دا 1751 چ سنگی چن لیا گیا۔ 1743 اونے اک پڑن والے ادارے دی سکیم بنائی جيڑی انت چ پنسلوینیا یونیورسٹی بن گئی۔ بنجمن فرینکلن نے فرانس لندن ایڈنبرا تے ڈبلن سیاسی سائنسی تے ہور کماں لئی گیا۔ فلاڈیلفیا چ 1775 نوں اونے امریکہ دے ازادی دے ٹنڈورے تے دسخط کیتے۔ 1776 توں 1765 تک اوہ فرانس چ امریکہ دا سفیر ریا تے اینج امریکہ دی ازادی چ فرانس نے ہتھ دتا۔ فرانس چوں جدوں اوہ واپس آیا تے او امریکہ چ جارج واشنگٹن تو مگروں اودا نمبر سی۔ اوہ علامی نوں پسند نیئں سی کردا تے اپنے دو غلاماں نوں اونے ازاد کردتا سی۔


موت[سودھو]

فرینکلن 17 اپریل 1790 نوں 84 وریاں دا ہوکے مر گیا تے اونوں فلاڈیلفیا چ دبیا گیا۔۔

بارلے جوڑ[سودھو]

بارلے جوڑ[سودھو]