بوسیفالس

Wikipedia توں
جاؤ: پاندھ, کھوج
سکندر تے بوسیفالس 333 ق م ج لڑی جان الی اسوس دی لڑائی چ

بوسیفالس سکندر اعظم دے گھوڑے دا ناں سی ۔ اک سوداگر اس دے پیؤ دے کول ایہہ گھوڑا لے کے آئیا سی پر ایہہ کسے نوں وی اپنے نیڑے نئیں آن دیندا سی ، ایہہ اصل چ اپنی چھاں توں ڈردا سی ، سکندر اعظم نے اس گل نوں تاڑ لئیا ۔ اس نے گھوڑے دا مونہہ سورج ول کر دتا تاکہ اسنوں اپنا پڑچھانواں نظر نا آئے ۔ جدوں اسنوں اپنا پڑچھانواں نا دسئیا تے اوہ ڈھیئلا پئے گئیا تے سکندر اس دے اتے چڑھن چ کامیاب ہوگئیا ۔ ایہہ گھوڑا آخری وقت تک سکندر دی خاص سواری رہئیا تے جہلم دی لڑائی چ ، جدوں سکندر پورس دا پچھا کر رہئیا سی ، تے دوناں بادشاہاں دے ساہمنے اس دم توڑ دتا ۔ سکندر نے اس دی یاد چ ایسے ناں دا اک شہر تعمیر کروائیا ۔ ایہہ شہر کسے زمانے چ دریائے جہلم دے سجے کنڈے تے آباد سی ۔ مؤرخاں دا خیال اے موجودہ بستی جلال پور پیر والا ای اوہ شہر یاں اس تھاں تے آبادسی۔