بچہ سقا

Wikipedia توں
جاو: مدد, کھوج

بچہ سقا دا اصل ناں حبیب اللہ سی تے اوہ پشاور دا اک سقہ سی ۔ کجھ چر افغان فوج چ ملازمت کرن دے بعد راہ زنی شروع کر دتی ۔ امان اللہ خان والی افغانستان دے خلاف بغاوت ہوئی تے بچہ سقا اپنے جتھے دے نال کابل اپڑئیا تے حکومت تے قبضہ کر کے حبیب اللہ خان غازی دے ناں نال تخت نشین ہوئیا ۔ اس نے تقریبا 8 مہینے حکومت کیتی ۔ جنوری 1929ء چ حبیب اللہ خان کلکانی عرف بچہ سقا نے کابل تے قبضہ کیتا سی تے حبیب اللہ خان غازی دے ناں نال حکومت قائم کیتی پر اکتوبر 1929ء چ جنرل نادر خان نے کابل نوں گھیرے چ لے لئیا جس تے بچہ سقہ فرار ہو کے اپنے پنڈ چلا گئیا ۔ جنرل نادر خان نوں انگریزاں دی مکمل حمایت حاصل سی جنہاں نے اسنوں ہتھیار تے پیسہ دتا ، اس علاوہ انگریزاں نے اس نوں 1 ہزار سپاہیاں دی فوج وی تیار کر کے دتی جہزی وزیرستانی قبائلیاں تے مشتمل سی ۔ نادر خان نے قرآن نوں ضامن بنا کے اس نوں پناہ تے معافی دتی پر جدوں اوہ کابل آغیا تے اسنوں قتل کروا دتا ۔