تلمسان

آزاد انسائیکلوپیڈیا، وکیپیڈیا توں
تلمسان
تلمسان دی وڈی مسیت
الجزائر دے نقشے چ تلمسان دا محل وقوع
دیس: الجزائر
صوبہ: تلمسان
رقبہ(صوبہ): 9،061 مربع کلومیٹر
لوک گنتی: 8،46،942 کل
گنجانی : 93 لوک فی مربع کلومیٹر
سطح سمندر توں بلندی: 842 میٹر
تلمسان دی سیدی بومدین مسیت دا وڈا بوہا

تلسمان اتلے لہندے الجزائر دا شہر تے صوبہ تلسمان دا صدر مقام اے ۔ اس دی آبادی اندازا 1 لکھ تے 30 ہزار اے ۔ ایہہ ایسے خطے چ واقع اے جہڑا زیتون تے انگوراں دی کاشت دے خوالے نال جانیا جاندا اے ۔ اس شہر چ چمڑا ، قالین تے کپڑا تیار کرن دیاں صنعتاں موجود نیں ۔

خاص گل[سودھو]

اپنی شاندار تریخ دے پاروں اس شہر چ عرب ، بربر تے فرانسیسی ثقافتاں دا ملاپ نظر آندا اے ۔ تے ایہہ ملاپ ایتھے دے کپڑےآں تے گھریلو مصنوعات چ صاف نظر آندا اے ۔ اپنے ٹھنڈے موسم دی وجہ توں ایہہ سیاحت دا مرکز وی اے ۔

تریخ[سودھو]

اس شہر نوں سن 4ء چ رومیاں نے تعمیر کیتا سی جس دا ناں اوہناں نے پوماریا رکھئیا سی ۔ 708ء چ اسنون عرباں نے فتح کر کے مسلم حکومت چ شامل کر لئیا ۔ ایہہ 8وین تے 9ویں صدی چ خارجیاں دا مرکز رہئیا ۔ 11ویں صدی چ دولت موحدین دے انتظام ہیٹھ اس شہر نے شاندار ترقی کیتی ۔

سلطنت عثمانیہ دا دور[سودھو]

ایہہ شہر بنو عبدالوداد دی سلطنت (زیانی سلطنت) دا راجگھر سی جہڑی 1282ء چ قائم ہوئی تے 15ویں صدی چ اپنے عروج تے پہنچی ۔ 16ویں صدی چ ایہہ شہر ہسپانویاں دے حملے دا نشانہ بنئیا ،پر سلطنت ہسپانیہ تے سلطنت عثمانیہ دے وچکار جنگاں چ عثمانی ترکاں نوں فتح ملی تے 1553ء چ تلسمان سلطنت عثمانیہ دے انتظام ہیٹھ آ گئیا ۔

1671ء چ ایہہ سلطنت عثمانیہ دے اثر توں نکل گئیا تے اسدی راجگھر دی حثیت وی مک گئی تے راجگھر الجزیرہ بن گئیا ۔

فرانس دا مل[سودھو]

1834ء چ فرانس نے الجزائر تے مل مار کے اپنی نوآبادی بنا لئیا ۔ الجزائر دی آزادی دے وڈے رہنما عبدالقادر الجزائری نے دیس دی آزادی لئی جنگ لڑی تر 1844ء چ اسدی شکست دے نال آزادی دا خاب وی ٹٹ گئیا ۔