جنگ کریمیا

Wikipedia توں
جاو: مدد, کھوج
Malakhov1.jpg

جنگ کریمیا مارچ 1854ء توں فروی 1856ء تک جزیرہ نما کریمیا چ لڑی جان والی اک جنگ سی ، جس چ اک بنھے روسی سلطنت تے دوجے بنھے فرانس ، برطانیہ ، سلطنت عثمانیہ تے سلطنت سارڈینیا دی متحدہ فوج سی ۔ بیشتر جنگ جزیرہ نما کریمیا چ لڑی گئی تاہم کجھ معرکے ترکی تے بحرہ بالٹک دے خطے چ وی ہوئے ۔ کدے کدے جنگ کریمیا نوں پہلا جدید معرکہ وی قرار دتا جاندا اے ، جس دے دوران جنگی انداز چ ایہوجہیاں تکنیکی تبدیلیاں واقع ہوئیاں جنہاں نے مستقبل دیاں جنگاں تے اثر پائیا۔

جنگ دا خاتمہ معاہدہ پیرس تے اتحادیاں دی جت نال ہوئیا ۔ ایہہ جنگ علاقے چ روسی اثر و رسوخ لئی تباہ کن ثابت ہوئی ۔

جنگ چ 3 لکھ ترک فوج ، 4 لکھ فرانسیسی فوج ، ڈھائی لکھ برطانوی فوج تے 18 ہزار سارڈینیائی فوج تے مقابلے تے 7 لکھ روسی فوج تے 4 ہزار بلغاریہ دے رضاکار سن ۔ جنگ چ اک اندازے دے مطابق اتحادیاں دیاں 5 لکھ موتاں ہوئياں تے روسیاں دیاں 60 ہزار توں اک لکھ 10ہزارتک۔