جھیل وان

Wikipedia توں
جاؤ: پاندھ, کھوج
جھیل وان دی چلاء توں مورت
جھیل وان دے جزیرے تے 10ویں صدی عیسوی دا آرمنیائی گرجا
جھیل وان دے جزیرے اخدامار توں نظر آندا چادر دائی پہاڑ

جھیل وان ترکی دی سب توں وڈی جھیل اے جہڑی چڑھدے اناطولیہ چ واقع اے ۔

ایہہ جھیل 120 کلومیٹر لمبی تے 80کلومیٹر چوڑی تے 457 میٹر ڈوہنگی اے ۔ ایہہ مجموعی طور تے 3755 مربع کلومیٹر دے رقبے تے پھیلی ہوئی اے تے سطح سمندر توں 1719 میٹر اچّی اے ۔

ترکی توں ایران جان آلی ریل گڈی اس جھیل دے وشکاروں فیری دے راہیں لنگھدی اے ۔ اس فیری ٹرین سروس دا آغاز 1970ء دی دہائی چ ہوئیا ۔


اس جھیل دے شمال چ واقع شہر ملازکرد چ 26 اگست 1071ء چ سلجوق سلطنت تے بازنطینی سلطنت دے وچکار مشہور جنگ جنگ ملاز کرد لڑی گئی ، جس چ سلجوقی سلطان الپ ارسلان نے بازنطینی حکمران رومانوس چہارم نوں شکست دے کے بازنطینیاں نوں ہمیش لئی اناطولیہ توں باہر کڈ دتا سی ۔ ایہہ جنگ تریخ دیاں فیصلہ کن ترین جنگاں چ شمار ہندیاے۔