خضر حیات ٹواݨا

خِضر حیات ٹواݨا
وزیر اعظم پنجاب
جنمستھان :	ضلع سرگودھا، پنجاب
جمݨ تریخ :	7 اگست 1900
مرن تریخ :	20 جنوری 1975
مرنستھان :	گلن کاؤنٹی، کیلیفورنیا، امریکا
کم :	سیاستدان
سیاسی جماعت :	یونینسٹ پارٹی
وزیراعظم پنجاب :	30 دسمبر 1942 - 2 مارچ 1947

لیفٹینیٹ کرنل خضر حیات ٹواݨا، 30 دسمبر ‎ 1942 توں 2 مارچ 1947 دے دوران پنجاب دے وزیر اعظم رہے۔ اوہناں دا تعلق یونینسٹ پارٹی نال سی۔ خضر حیات ٹواݨا دے والد میجر جنرل سر ملک عمر حیات ٹواݨا (1875–1944) سی۔ اوہ 1924-1934 دے دوران برطانوی ہند دے سٹیٹ سیکرٹری دی کونسل دے ممبر رہے تے جارج 5ویں تے جارج 6ویں دے آنریری ایڈ ڈی کیمپ دے طور تے کم کیتا۔

مُڈھلا جیون

ملک خضر حیات ٹواݨا نے اپنے والد وانگ ایچی سن کالج لہور (Aitchison) توں تعلیم حاصل کیتی۔ اوہناں نے 16 سال دی عمر وچ اپنے آپ نوں جنگ سیوا لئی پیش کیتا۔ اوہناں نوں 17 اپریل 1918 نوں برطانوی ہند تھل فوج دے 17 ویں دستے وچ کچے طور تے بھرتی کیتا گیا۔ اوہ 21 نومبر 1919 نوں دوجے درجے دا لیفٹینینٹ بنے۔

سیاست وِچ

اوہ 1937 وچ پنجاب اسمبلی دے ممبر چݨے گئے۔ سر سکندر حیات دی اگوائی وچ یونیئنسٹ پارٹی نےانتخاب لڑیا۔ سکندر حیات دی کیبنٹ وچ بطور لوک نرمان وزیر عہدا حاصل کیتا۔ اوہناں نے 2 مارچ 1947 نوں وزیر اعظم دے عہدے توں استعفا دے دِتا۔ آزادی تک شملا رہے تے سیاست وچ سرگرم حِصہ لینا چھڈ دتا۔ اوہ پنجاب دی ونڈ دے مخالف سن۔ اوہ اکتوبر 1949 نوں پنجاب، پاکستان آ گئے تے حکومت پاکستان دے رویے توں تنگ آکے امریکا منتقل ہوگئے۔