خونی دروازہ
دلی دے مشہور دروازےآں چوں اک دروازے دا ناں ، اس دی تعمیر شیر شاہ سوری دے ویلے چ ہوئی تے ایہہ دلی دے پرانے قلعے دا داخلی دروازہ سی ۔
مشہوری دی وجہ[سودھو]
جنگ آزادی 1857ء چ 13 تے 19 ستمبر دے درمیان انگریزاں نے دلی دا محاصرہ کیتا ۔ لہوری گیٹ تے اجمیری گیٹ توں حملے ہندے رہے ، بالآخر انگریزاں نے لہوری گیٹ توں پیش قدمی کیتی تے بہادر شاہ ظفر قلعہ چھڈ کے ہمایوں دے مقبرے چ پناہ گزین ہوگئیا ، کجھ غداراں دی مدد نال کیپٹن ہڈسن نے اسنوں قید کر لئیا تے اسدے پتراں نوں اپنے آپ نوں حوالے کرن لئی آکھئیا پر اوہناں نے جان دی امان منگی ، کیپٹن نے جان دی امان دین توں منع کر دتا تے اوہناں نے اپنے آپ نوں حوالے کرن توں انکار کر دتا ، بعد چ کیپٹن ہڈسن نے شہزادےآں نوں گرفتار کر کے اینہاں دے سر قلم کر کے بہادر شاہ ظفر دے ساہمنے طشت چ پیش کیتے تے اینہاں دیاں لاشاں نوں خونی دروازے تے لٹکا دتا گئیا ۔
خون ای خون[سودھو]
اسدے علاوہ شہنشاہ جہانگیر نے عبدالرحیم خان خاناں دے 2 پتراں نوں وی ایسے گیٹ تے پھانسی دتی سی ، فیر اورنگ زیب عالمگیر نے اپنے بھائی دارا شکوہ نوں وی ایتھے ای قتل کیتا سی ۔ پر خونی دروازہ ہن 1857ء دے غدر دی وجہ توں ای مشہور اے ۔