دریائے ایمیزون

Wikipedia توں
جاؤ: پاندھ, کھوج


دریائے ایمیزون دا نقشہ


دریائے ایمیزون جنوبی امریکہ دا اک عظیم دریا اے ، جہڑا حجم دے اعتبار نال دنیا دا سب توں وڈا دریا اے ۔ اس چ پانی دے بہاؤ دا اندازہ اس گل نال لائیا جاسکدا اے کہ ایمیزون دے بعد دوجے توں 6ویں نمبر تے آن والے سارے دریاواں دا کل پانی وی اسدے حجم دے برابر نئیں ۔ ایہہ افریقہ دے دریاۓ نیل دے بعد دنیا دا سب توں لمبا دریا اے ۔

ایمیزون دے ابتدا براعظم جنوبی امریکہ دے ملک پیرو دے مقام نیواڈو میسی توں ہندی اے ۔

برازیل چ ایمیزون دا طاس جسنوں ایمیزون طاس آکھیا جاندا اے ، دنیا دا سب توں وڈا طاس اے جہڑا رقبے چ ہندستان توں دوگنا اے ۔

دریائے ایمزون دی نیواڈا مسمی توں نکلن دی تھاں
دریائے ایمزون

دریائے ایمیزون دا پانی بحر اوقیانوس چ گردا اے تے بارشاں دے موسم چ سمندر چ ڈگن والا پانی 3 لکھ معکب میٹر فی سیکنڈ تک پہنچ جاندا اے ۔ دنیا بھر چ سمندر چ ڈگن والے مٹھے پانی دے کل حجم دا 5واں حصہ دریائے ایمیزون توں گذردا اے ۔


دریائے ایمیزون 6400 کلومیٹر لمبا اے ، ایہہ دریا کوہ انڈیز دے مشرق چ واقع ایمیزون دے جنگلات توں لنگھدا اے ، جہڑے کہ دنیا دے سب توں وڈے جنگلات نیں ۔ دریائے ایمیزون دے معاون دریاواں دی تعداد اک ہزار توں ودھاے۔