رؤف دینک تاش

Wikipedia توں
جاو: مدد, کھوج
رؤف دینک تاش

رؤف دینگ تاش قبرصی ترک رہنما نیں ۔ اوہ 1924ء چ موضع کتیما ، پافوس دے لاگے پیدا ہوئے ۔ اس دا پیؤ جج سی ۔ اپنی تعلیم قبرص توں پائی تے 1944ء چ وکالت شروع کیتی ۔ 1949 ء چ اٹارنی جنرل آفس چ جونیئر کراؤن کونسل مقرر ہوئے تے 4 سال مگروں کراؤن کونسل بنا دتے گئے ۔ 1956ء چ سالیسٹر دے عہدے تے فائز ہوئے ۔ 1957ء چ فیدریشن آف ٹرکش ایسوسی ایشنز دے یئر مین چنے گئے ۔ 1959ء چ [[ترک قبرصی وفد دے قائد دی حثیت نال ایتھنز کانفرس چ شریک ہوئے ۔ 1960 ء چ ٹرکش کمیونل چیمبر دے صدد منتخب ہوئے۔ 1964ء چ لندن کانفرنس چ اوہناں نے قبرصی ترکاں دے وفد دی قیادت کیتی ، تے بعد چ اقوام متحدہ دی سلامتی کونسل دے اجلاس چ شریک ہوئے ۔


نیویارک توں واپس آئے تے آرچ بشب میکایوس نے قبرص چ داخلے تے پابندی لا دتی تے رؤف دینک تاش 1967ء تک ترکی چ رہے ۔ بعد چ خفیہ طور تے قبرض واپس آئے تے یونانی قبرصی پولیس نے گرفتار کر کے نظر بند کر دتا پر عوامی دباء دی وجہ توں 13 دن مگروں رہا کر کے ترکی گھل دتا ۔ تے اس نوں 13 اپریل 1968ء چ قبرص پرتن دی اجازت ملی ۔ وطن واپس آ کے ترکش کیمونل چیمبر دی صدارت سمبھالی ۔ جون 1968ء چ قبرص دے ترک تے یونانی لوکاں وچکار مذاکرات چ ترکاں دی ترجمانی کیتی ۔ 15 اگست 1974ء چ قبرص دے اتلے حصے تے ترک فوجاں دا قبضہ ہوگئیا تے رؤف دینک تاش نے اعلان کیتا کہ قبرص دی ونڈ ای اس مسئلے دا واحد حل اے ۔ فروری 1975ء چ قبرض دے ترکاں نے اپنی آزادی دا اعلان کر دتا تے ترک جمہوریہ شمالی قبرض دے ناں نال اپنا علیحدہ دیس بنا لئیا ۔ 20 جون نوں ہون آلیاں چوناں چ رؤف دینک تاش دی قومی اتحاد پارٹی نے بھاری اکثریت نال کامیابی حاصل کیتی تے رؤف دینک تاش اس نویں مملکت دے صدرمنتخبہوئے۔