را طوطا

Wikipedia توں
جاؤ: پاندھ, کھوج
را طوطا
Alexandrine Parakeet (Psittacula eupatria) pair -2pc.jpg
دیس: جنور
برادری: کورڈیٹ
ٹولی: پنچھی
پتی: طوطا
ٹبر : طوطا ٹبر
سائینسی ناں : Psittacula eupatria

را طوطا طوطا ٹبر دا اک پنچھی اے۔ ایہ اک وڈے ناپ دا طوطا اے جیدا اصل دیس پنجاب اے۔ سکندر یونانی 327 م پ جدوں پنجاب آیا تے مڑدیاں ایتھون دی سغات ایہ طوطا لے کے گیا تے ایس نوں اپنی سلطنت وچ ونڈیا[1]۔ ایسے باہجوں ایہنوں سکندری طوطا وی کیندے نیں۔

ناں[لکھو]

پنجابی وج ایہنوں را طوطا کیا جاندا اے۔ انگریزی تے ہور یورپی بولیاں وچ ایہنوں سکندری طوطا دے ناں نال سدیا جاندا اے۔ سکندر جدوں ایتھے آیا سی تے ایتھوں جان لگیاں پنجاب دی سغات را طوطا اپنے نال لے گیا تے اپنی سلطنت دے وکھریاں تھانواں ایران، مصر، اناطولیہ تے یونان ول پنجاب آن دی نشانی لئی کلیا۔ ایہناں دیساں وچ ایہنوں فیر سکندر دے ناں نال ای بلایا گیا تے اودوں توں ای ایہنوں ایہدی سہنپ تے سکندر نال جوڑ باہجوں بادشاہ تے امیر لوک پال رۓ نیں۔ ایہ دنیا دے سب توں پرانے پالے گۓ پنچھیاں وچوں اک اے۔ انگریزی، فرینچ، جرمن تے کئی ہور بولیاں وچ ایہدے ناں نال سکندر آندا اے۔ ایران وچ ایہنوں سکندر نال جوڑ باہجوں شاہ طوطی کیندے نیں۔


کارل لنیاس نے 1766 وچ ایہدا لاطینی سائینسی ناں (Psittacula eupatria) رکھیا۔ ایس سائینسی ناں دے پہلے حصے (Psittacula ) دا مطلب اے طوطا تے دوجے حصے (eupatria) دا مطلب اے اچا جوڑ، اچا ٹبر، پیو داد یا چنکے دیس توں۔ (eupatria) دو شبداں دا جوڑ اے : (eu + patria)۔ (eu) دا مطلب اے جنگا تے (patria) دا مطلب پیو، دادا یا دیس تے بنیا چنگے جوڑ یا دیس (پنجاب) دا طوطا۔

پنجابی وچ ایہنوں را طوطا کیا جاندا اے تے مانتا والا طوطا منیا جاندا اے جد کے ایہ توں کھٹ مانتا دے طوطے نوں کاٹھا طوطا کیا جاندا اے۔

وکھالہ[لکھو]

را طوطا طوطیاں وچ سب توں وڈا اے۔ ایہ 58 سینٹی میٹر (23 انچ) لما ہوندا اے تے پر 18.9–21.5 سینٹی میٹر (7.5–8.5 انچ) ہوسکدے نیں جد کے پوچھل 21.5–35.5 سینٹی میٹر (8.5–14.0 انچ) لمی اے. جوان طوطا 200 تے 300 گ (7.1 تے 11 اونس) تکدا ہوندا اے۔ ایہ ہرے ای ہوندے نیں۔ گلاں تے چھاتی اتے پؤری نیلی لشک ہوندی اے۔ ٹڈ پیلا ہرا ہوندا اے۔ پوچھلوالے کھمباں دے اتلے وشکارلے پر نیلے ہرے، اتلے کنارے والے ہرے تے پوچھلوالے سارے تھلویں کھمب پیلے ہوندے نیں۔ سارے را طوطے پانویں نر ہون یا مادھ موڈھے پراں تے کلیجیی لال نشان لازمی ہوندے نیں۔ اتلی تھلویں چنج لال پر نوکاں پیلیاں ہوندیاں نیں۔


را طوطا
Alexandrine Parakeet (Psittacula eupatria), Jurong Bird Park, Singapore - 20090613.jpg Alexandrine Parakeet-Psittacula eupatria-Symbio wildlife park-NSW.jpg Perruche Alexandre.jpg Alexandrine Parakeet - sb616.JPG

پالنا[لکھو]

را طوطا دنیا دے سب توں پرانے پالے جان والے پنچھیاں وچوں اے۔ ایہدا انگریزی، سائینسی تے ہور یورپی بولیاں والا ناں ایہدے پہلے یورپی کھوجی سکندر یونانی دے ناں تے اے جیہنے ایہنوں اپنی سلطنت دیاں وکھریاں پاسیاں ول سغات لئی پیجیا تے اودوں توں ای ایہنوں اناطولیہ، ایران، مصر، یونان تے اٹلی دے بادشاہ، شہزادے تے امیر لوک پال رۓ نیں۔ ایہنوں پالنا اسان اے تے کسے وی پنجرے وج کسے جوڑے نوں کلا رکھیا جاوے تے ایہناں وج وادا ہو جاندا اے۔ ایہدے 2 توں 4 تک انڈے ہوندے نیں جنہاں وجوں 28 دن وج چوچے نکلدے نیں۔ مادھ انڈیاں تے بیٹھدی اے تے نر کھان پین نوں لیاندا اے۔ 6 ہفتیاں مگروں نکے طوطے وی اڈن لگ پیندے نیں۔

پسار[لکھو]

راطوطے دیاں اگوں پنج نکیاں ونڈاں نیں تے ایہ ساریاں رل کے پاکستان توں لے چڑھدے ول ہندستان، نیپال، سری لنکا، بنگلہ دیش، برما، لاؤس، کمبوڈیا تے ویتنام تک ملدیاں نیں۔ پنجابی را طوطا 62 سینٹی میٹر (24.5 انچ) لما تے ایہدا پرپسار 20–24 cm (8–9.5 in) ہوندا اے تے سب توں وڈا طوطا منیا گیا اے۔ پنجاں نکیاں ونڈاں چوں سیامی را طوطا سب توں نکا اے۔

ایہ جرمنی، برطانیہ تے ہور تھانواں تے وی رکھیا ہویا اے.

ایہ کھلے جنگلاں دا پنچھی اے تے ڈاراں وج ایہ دانے، فروٹ تے گریاں کھان لئی نکلدے نیں۔

بارلے جوڑ[لکھو]

را طوطے بارے را طوطے بارے

اتہ پتہ[لکھو]

  1. Campbell-Johnston, Rachell (2007-02-13). "A squawk on the wild side". The Times. London. http://www.thetimes.co.uk/tto/arts/article2394250.ece. Retrieved on 16 January 2013.