رومی سلطنت

Wikipedia توں
جاو: مدد, کھوج
رومی سلطنت
Roman Empire
27 BC–AD 476/1453
Vexilloid of the Roman Empire.svg
رومی سلطنت دا نشان
راجگڑھ: روم
سرکار: سلطانی
پیلا شہنشاہ: آگسٹس
تھاں: 6,500,000 مربع کلومیٹر
بولی: لاطینی، یونانی
لوک گنتی: 14,629,000 (171)
RomanEmpireTrajan117AD.png

رومی سلطنت رومی رہتل دا رومی لوک راج مگروں دا ویلہ اے جدوں ایدے تے سلطانی راج سی تے ایہ رومی سمندر دے دوالے یورپ ایشاء تے افریقہ وچ پھیلی ہوئی سی۔ 500 پرانا رومی لوک راج دیس وچ ہون والیاں لڑائیں باجوں ماڑا پے گیا سی۔ لوکراج توں سلطنت بنن دے وشکارلے ویلے وچ کئی کم ہوۓ جنہاں وچ جولیس سیزر دا ڈکٹیٹر بننا، ایکٹیم دی لڑائی تے رومی سینیٹ ولوں اوکٹیوین نوں آگسٹس دا ناں دینا۔

ایس سلطنت دیاں پہلیاں دو صدیاں وچ امن چین تے خشحالی رئی۔ ٹراجن (98–117 ) ویلے وچ ایہ اپنی سب اگے ودویں انت تے سی۔ تیسیر صدی وچ ایہ ٹٹن دے نیڑے اپڑی پر فیر اورلین تے ڈائیوکلیٹین شہنشاہواں نے ایہنوں سمبھال لیا۔ چوتھی صدی وچ سائی زور پھڑدے نیں تے سلطنت وچ چڑھدے یونانی تے لیندے لاطینی دی دوہری سرکار چلدی اے۔ 5ویں صدی وچ روم دی سرکار ٹٹن تے چڑھدے پاسے دا ادھا حصہ بازنطینی سلطنت دی مورت وچ ایہ سلطنت چلدی ریندی اے۔ 1453 وچ عثمانی ترکاں دے قسطنطنیہ تے مل مارن تے ایس دی آخری نشانی وی مک جاندی اے۔

ایس سلطنت دے وڈی تھاں تے پھیلے ہون تے لمے چر تک رہن باجوں روم دی رہتل تے اداریاں دا اوہناں تھانواں دی بولی، مذہب، قنون، آرکیٹیکچر تے سرکار تے گوڑا رنگ چڑھیا جتھے ایدا راج سی تے اچیچے یورپ تے تے فیر ایتھوں ساری دنیا تے۔


تریخ[لکھو]

رومی سلطنت پہلے اک رومی لوک راج سی۔ 31 م پ نوں اوکٹیوین مارک انٹنی تے کلوپطرہ نوں ایکٹیم دی لڑائی وچ ہراندا اے تے قیصریون نوں وی ماردیندا اے۔ایس دے مگروں اوہ روم دا کلا آگو سی تے اوہنے فوج، سیاست تے بپار وچ نویاں سوچاں لیاندیاں۔ ایہناں کماں تے روم دی سینیٹ اوکٹیوین نوں آگسٹس دا ناں دیندی اے۔ اوہ پہلے ای اپنے لئی ایمپیریٹر (imperator) دا ناں چن چکیا سی۔ رومی لیجن یا رومی فوج جیہڑی 50 تک اپڑ گئی سے اوہدی گنتی تھوڑی کتی، کج لیجن رلاۓ تے فوج دا اک وڈا انگ اپنے کول اٹلی وچ رکھیا۔ آگسٹس 40 ورے توں ود تک راج کردا اے۔

جغرافیہ[لکھو]

رومی سلطنت پرانے ویلے دی اک سلطنت سی جیہڑی یورپ افریقہ تے ایشیاء دے دیساں تے پھیلی ہوئی سی تے ایدا راجگڑھ روم سی۔ ایدے وج انگلستان ، سپین ، اٹلی ، فرانس ، یونان ، ترکی، مصر، شام، لبنان، فلسطین، اتلا افریقہ ، بیلجیم، نیدرلینڈز رلے ہوۓ سن۔ رومی سلطنت نے یورپ تے دنیا دے ہور کئی پاسیاں تے اپنی بولی راج پربندھ آرٹ تے رہتل سوچ مذہب تے اثر پایا۔

رومی سلطنت وکھریاں ویلیاں وچ.