روہی گلاب

روہی گلاب
پچھان
دیس:	بوٹے
برادری:	پھلوالے بوٹے
ٹبر:	کنیر ٹبر
ونڈاں:	Adenium obesum

روہی گلاب کنیر ٹبر دا اک بوٹا اے۔ ایہ افریقی ساحل وچ ماریطانیہ تے سینیگال توں لے کے سوڈان تے عرب تک دے ٹراپیکی تھانواں تے ملدا اے۔

وکھالہ

ایہ سدا ہری رہنوالی چاڑی اے جیدیاں ٹاہنی موٹیاں ہوندیاں نیں تے اوہناں وچ سکی رت وچ کم آن لئی پانی ہوندا اے۔ چوکھی ٹھنڈ وچ ایہدے پتے ڈک پیندے نیں۔ ایہ 1–3 میٹر (3.3–9.8 فٹ) تک اچی ہوندی اے۔ ایہدا تنا بوتل وانگوں موٹا ہوندا اے۔ پتے اک چکر وچ ہوندے نیں۔ پتے چمڑے ورگے لمے 5–15 سینٹی میٹر (2.0–5.9 انچ) لمے تے 1–8 سینٹی میٹر (0.39–3.15 انچ) چوڑے ہوندے نیں۔ پھل ٹیوب ورگے 2–5 cm (0.79–1.97 in) لمے تے انت تے 5 پتیاں وچ کھڑے جنہاں دا گھیر 4–6 سینٹی میٹر (1.6–2.4 انچ) بندا اے۔ پھل گلابی رنگدے جیہڑے وچوں چٹے ہوندے نیں۔ رنگ تے روہی دے وسنیک ہون باہجوں ایہناں دا پنجابی ناں روہی گلاب اے۔

اگائی

روہی گلاب گرم گلے تھانواں وچ گھراں تے بونسائی لئی اگایا جانوالا عام بوٹا اے۔ ایہنوں دھپوالا پاسا چنگا لگدا اے تے سیال وچ 10 ڈگری سینٹی گریڈ تک دی ٹھنڈ سہ سکدا اے۔ ایہ بی یا ٹٹی ٹاہنی توں لگایا جاسکدا اے۔ ایہ اک زریلا بوٹا اے تے افریقہ وچ شکاری اپنے تیراں نوں ایہدے نال زریلا بناندے نیں۔

بارلے جوڑ

• بونسائی لئی اگمان Archived 2012-12-14 at the وے بیک مشین

اتہ پتہ