رہوڈوس

Wikipedia توں
جاؤ: پاندھ, کھوج
رہوڈوس شہر چ گرینڈ ماسٹر دا محل


رہوڈوس یونان دا اک جزیرہ اے ، جہڑا بحیرہ ایجیئن چ واقع اے ۔ ایہہ ترکی دے مغربی ساحلاں توں صرف 18 کلومیٹر دور یونان تے قبرض دے وچکار واقع اے ۔ 2004ء دے مطابق اس دی آبادی 1 لکھ 10 ہزار اے ، جنہاں چوں 55 توں 60 ہزار تجارتی مرکز رہوڈوس شہر چ رہندے نیں ۔


وجہ شہرت[لکھو]

تریخ چ ایہہ شہر رہوڈوس دے مجسمے دی وجہ توں مشہور اے جہڑا کہ اس شہر دی پہچان بن گئیا اے ۔ ایہہ مجسمہ جگ دے ست عجوبےآں چوں اک اے ۔ قدیم شہر اقوام متحدہ دے ادارے یونسکو دے عالمی ثقافتی ورثے دا حصہ اے ۔


جغرافیہ[لکھو]

رہوڈوس دی بندگاہ تے ہرن دا اک تابنے دا مجسمہ جزیرہ رہوڈوس 97اعشاریہ7 کلومیٹر لمبا تے 38 کلومیٹر چوڑا اے ، اسدا کل رقبہ 1398 مربع کلومیٹر اے تے ساحلی پٹی 220 کلومیٹر اے ۔ رہوڈوس شہر جزیرے دے شمالی حصے چ واقع اے ۔


تریخ[لکھو]

جزیرے تے رہوڈوس دا شہر 408 قبل مسیح چ بسائیا گئیا تے 332 ق م ج سکندر اعظم دی سلطنت دا حصہ بنیا ۔

سنہ 305 ق م چ دمترس دے ناکام محاصرے دے بعد مال غنیمت نال سورج دیوتا ہیلیوس دا اک عظیم مجسمہ نصب کیتا گئیا ، جہڑا رہوڈوس دے مجسمے دے ناں توں جانیا جاندا اے ۔

تیجی صدی عیسوی چ رہوڈوس اپنے عروج تے پہنچ گئیا تے یونان دا سب توں تہذیب یافتہ تے خوبصورت شہر بن گئیا ۔

File:Lindos-Ille de rodes.png
لینڈوس دا ایکروپولس

سنہ 395ء چ رومی سلطنت دی تقسیم نال ای رہوڈوس تے طویل بازنطینی دور دا آغاز ہوئیا ۔

سہن 672ء چ اموی فوجاں نے رہوڈوس تے قبضہ کرلئیا تے صلیبی جنگاں دے سلسلے دی پہلی صلیبی جنگ تک ایہہ مسلماناں دے قبضے چ رہیا تے اس دے بعد بازنطینی حکمران نے اسنوں دوبارہ بازنطینی سلطنت چ شامل کرلئیا ۔ 1309ء چ نائٹس ہاسپٹلرز نے جزیرے توں بازنطینیاں دا خاتمہ کردتا تے شہر نوں یورپی طرز تے تعمیر کیتا گئیا ۔ نائٹس دی تعمیر کردہ مضبوط کندھاں 1444ء چ سلطان مصر تے 1480ء چ سلطان محمد فاتح دے حملے روکدیاں رہیاں تے بالآخر 1522ء چ عثمانی سلطان سلیمان اعظم دی عظیم فوج ساہمنے ڈھئے گئیاں ۔ اس دے بعد ایہہ جزیرہ 4 صدیاں تک سلطنت عثمانیہ دا حصہ رہیا ۔

سنہ 1912ء چ رہوڈوس تے اٹلی نے قبضہ کرلئیا تے 1947ء چ رہوڈوس تے اسدے نال لگدے جزیرے یونان دے حوالےکردتےگئے۔