ریؤکیؤ بادشاہت

Wikipedia توں
جاؤ: پاندھ, کھوج
File:Ryukyu Islands flag 1875 1879 cswb.svg
ریؤکیؤ بادشاہت دا اک جھنڈا
ریؤکیؤ بادشاہت دی مہر

ریؤکیؤ بادشاہت 15ویں صدی عسوی توں 19ویں صدی عیسوی تک جاپان دے ریؤکیؤ جزیرےآں تے قائم رہن آلی اک بادشاہت سی ۔ ریؤکیؤ دے بادشاہ نے اوکیناوا جزيرے نال اتحاد کیتا تے بادشاہت نوں امامی جزیرےآں (اج دے جاپان دے کاگوشیما پریفیکچر چ) تے ساکی شیما جزيرےآں (تائیوان لاگے) تک ودھا لئیا ۔ اپنے چھوٹے رقبے دے باوجود ، گھبلے زمانےآں(قرون وسطی) چ چڑھدے تے چڑھدے دکھنی ایشیاء وچکار بحری تجارت دے نیٹ ورک چ اسدا مرکزی کردار سی ۔

اس بادشاہت دا راجگھر شوری شہر سی تے اسدا کل رقبہ 2،271 مربعکلومیٹر سی ۔

تریخ[لکھو]

ریؤکیؤ جزيرےآں دا نقشہ

بادشاہت دی ابتدا

14ویں صدی عیسوی چ اوکیناوا جزیرے تے بکھرے نکے نکے علاقے تن راجواڑے: ہوکوزان ، چوزان تے نانزان چ متحد ہوئے ۔ اینہاں نوں سانزان دیاں تن بادشاہتاں آکھئیا جاندا سی ۔ اینہاں نوں تن بادشاہتاں یاں سانزآن دور آکھئیا جاندا سی ۔ ہوکوزان ، جہڑا کہ جزیرے دے اتلے حصے دے بوہتے علاقے تے مشتمل سی ، رقبے ، فوجی لحاظ نال اینہاں تناں نالوں مڈا سی پر اقتصادی طور تے اینہاں تناں چوں کمزور سی ۔ نانزان اوکیناوا جزیرے دے دکھنی علاقے تے مشتمل سی ۔ چوزآن جزيرے دے مرکز چ واقع سی تے اقتصادی طور تے مضبوط سی ۔ اسدا سیاسی مرکز شوری سی جہڑا وڈی تجارتی بندگاہ ناہا تے چین دی روایتی تعلیم دے مرکز کومیمورا دے گواندھ چ سی ۔ شوری تے پورا چوزان ، ریئؤکیؤ بادشاہت دے خاتمے تک اسدا مرکز رہئیا ۔


ایہہ تنوں راجواڑے یاں قبائلی وفاق ، جہڑے وڈے قبائلی سرداراں دی حکمرانی تھلے سن ، نے جنگ کیتی تے چوزان فاتح بنئیا تے چوزان دے سرداراں نوں نانزان تے ہاکوزآن تے چین نے قنونی بادشاہ تسلیم کر لئیا ۔

چوزان دے حکمران نے اپنا تخت بادشاہ ہاشی نوں دے دتا ۔ ہاشی نے ہوکوزان 1416ء چ ، نانزآن 1429ء چ فتح کر کے پہلی وار اوکیناوا جزیرےنوں متحد کیتا تے پہلے شاؤ ٹبر دی نیہہ رکھی ۔ ہاشی نے " شاؤ " دا لقب 1421ء چ منگ سلطنت دے شہنشاہ توں حاصل کیتا تے شاؤ ہاسی بن گئیا ۔

شاؤ ہاسی نے چینی مذہبی دربار دا نظام اپنائیا ۔ اسنے شوری دا قلعہ تعمیر کروائیا تے اسنوں اپنا راجگھر بنا لئیا تے ناہا دی بندرگاہ تعمیر کروائی ۔ کجھ نسلاں بعد 1469ء چ بادشاہ شاؤ توکی مرد وارث دے بغیر مر گئیا ۔ تے اک محل دے نوکر نے دعمی کیتا کہ اوہ بادشاہ توکی دا گود لئیا پتر اے تے چینی حمایت وی حاصل کر لئی ۔ ایس جھوٹھے دعویدار ، شاؤ این ، نے دوجے شاؤ ٹبر دی شروعات کیتی ۔ ریؤکیؤ دا سنہری ویلا شاؤ شن دے عہد چ آئیا ، جہڑا ایس ٹبر دا دوجا بادشاہ سی جس نے 1478ء توں 1526ء تک حکومت کیتی ۔

بادشاہت دی ریؤکیؤ مجمع الجزائر دے سبتوں دکھنی جزيرےآں تے 15ویں صدی عیسوی دے آخیر تک اقتدار قائم ہو گئیا تے 1571ء چ اتلے چ کیؤشو دے لاگے امامی اوشیما جزیرے وی بادشاہت چ شامل کر لئےگئے۔