سراج الدولہ

Wikipedia توں
جاؤ: پاندھ, کھوج
نواب سراج الدولہ
سراج الدولہ
دور حکومت:1756ء توں 1757ء
پورا ناں
میرزا محمد سراج الدولہ
پیش رو علی وردی خان
جانشین میر جعفر
شریک حیات
بیگم لطف النساء
نیانے ام زہراء (پہلا)
شاہی ٹبر ہیرا جھیل
پیؤ
زین الدین
ماں امینہ بیگم
جم 1733ء
موت
2 جولائی 1757ء


Clive.jpg

مرزا محمد سراج الدولہ المعروف نواب سراج الدولہ [1733ء تا 2 جولائی 1757ء] بنگال بہار تے اڑیسہ دے آخری صحیح معنیاں چ آزاد حکمران سن ۔ 1757ء چ اوہناں دی شکست نال بنگال ایسٹ انڈیا کمپنی دے زیر اقتدار آگئیا ۔


جیون[لکھو]

نواب سراج الدولہ دے والد زین الدین بہار دے حکمران سن تے والدہ امینہ بیگم بنگال دے نواب علی وردی خان دے سب توں نکی دھی سی ۔ چونکہ نواب علی وردی خان دا کوئی پتر نئیں سی اس لئی شروع توں ای ایہہ خیال کیتا جاندا سی کہ مرشد آباد یعنی بنگال دے تخت داوارث وی نواب سراج الدین ای ہوءے گا ۔ اینہاں دی پروش نواب علی وردی خان دے محلات چ ہوئی سی تے اوہناں نے شروع جوانی چ ای جنگاں چ نواب علی وردی خان دے نال شرکت کیتی ،مثل دے طور تے 1746ء چ مہاراشٹر دے مرہٹیاں دے خلاف جنگ چ حصہ ۔ 1756ء چ علی وردی نے سرکاری طور تے سراج الدولہ نوں ا پنا جانشین مقرر کردتا ۔ نواب سراج الدولہ اک مذہبی آدمی سی تے علی وردی خان دی طرح اسدا تعلق وی شیعہ مسلک نال سی ۔


راج[لکھو]

اینہاں دا دور حکمرانی مختصر سی ۔ 1756ء چ علی وردی خان دی موت دے بعد 23 ورہیاں دی عمر چ بنگال دے حکمران بنے ۔ اوہ شروع توں ای بنگال چ عیار برطانویاں توں ہشیار سن ، جہڑے بنگال چ تجارت دی آڑ چ اپنا اثر ودھا رہے سن ، خصوصا ایسٹ انڈیا کمپنی نے اینہاں دے خلاف سازشاں تیار کیتیاں ، جہڑیاں نواب نوں معلوم ہوگئیاں ۔ اولا انگریزاں نے نواب دی اجازت دے بغیر کلکتہ دے فورٹ ولیم دیاں کندھاں اچّیاں تے پکیاں کیتیاں ، جہڑی کہ معاہدے دے خلاف ورزی سی ۔ دوجا انگریزاں نے بنگال دے کجھ ایہوجہے افسراں نوں پناہ دتی سی ، جہڑے ریاست دے خزانے چ خرد برد دے مجرم سن ۔ تیجا انگریز خود بنگال دی کسٹم ڈیوٹی چ چوری دے مرتکب سن ۔

حوالے[لکھو]

  • Akhsaykumar Moitrayo, Sirajuddaula, Calcutta 1898
  • BK Gupta, Sirajuddaulah and the East India Company, 1756-57, Leiden, 1962
  • Kalikankar Datta, Sirajuddaulah, Calcutta 1971


باہرلے جوڑ[لکھو]