سعادت حسن منٹو

Wikipedia توں
جاؤ: پاندھ, کھوج
سعادت حسن منٹو
جمن پو: 11 مئی 1912 لدھیانہ پنجاب
مرن پو: 18 جنوری 1955 لہور پاکستان
کم : اردو لکھاری، صحافی
گن: اردو' افسانہ, ناول , فلم, ریڈیو
ایوارڈ: نشانِ امتیاز
مشھور لکھتاں: ٹوبہ ٹیک سنگھ - افسانہ

سعادت حسن منٹو (11 مئی 1912 -18 جنوری، 1955) اردو لکھت دے جانے پچھانے لکھاری سن۔ منٹو دا تعلق اک کشمیری خاندان نال سی۔ اوناں دے پیو دا ناں غلام حسن منٹو سی۔ منٹو اپنی نکی کعانیاں بارے مشہور اے۔ اوہدیاں مشہور لکھتاں اچ "بو"، "کھول دو"، "ٹھنڈا گوشت" تے "ٹوبہ ٹیک سنگھ" شامل نے۔

منٹو ٹی وی تے ریڈیو دا سکرپٹ لکھاری تے اک صحافی وی سی۔ اوہدے کماں اچ نکی کعانیاں دے 22 مجموعے، اک ناول، ریڈیو ڈرامے دے پنج مجموعے ، مضموناں دے تن مجموعے تے اپنے خود دے بنائے ہوئے خاکیاں دے دو مجموعے شامل نے۔

منٹو دے خلاف چھے واری فحاشی دا الزام لگایا گیا پر او سچ ثابت نہ ہو سکا۔ منٹو دے کم دا ہور زباناں اچ وی وٹاندرا ہویا اے۔

منٹو دی لکھتاں[لکھو]

منٹو نوں ہند دی ونڈ نال بہت تکلیف ہوئی سی۔ اوہنے 1947 اچ تے اوہدوں بعد دے لوکاں دے خراب حالات بارے کعانیاں لکھیاں۔ منٹو نے اپنی لکھتاں دا آغاز وکٹر ہیوگو، انتون چیخوف، میکسم گورکی تے آسکر وائلڈ جئے وڈے لکھاریاں دے کم دا وٹاندرا کر کے کیتا۔ ایہناں لکھتاں نے منٹو نو بہت متاثر کیتا، تے نوی سوچ دتی۔ ایس سوچ دے نال منٹو نے پہلی کعانی "تماشہ" لکھی، جو 1919 اچ جلیانوالہ باغ، امرتسر وچ برطانوی راج دے ہتھوں لوکاں دے قتل عام بارے چ سی۔ منٹو دی کعانیاں اچ انسانی نفسیات بارے دسیا گیا کہ کنج ہند دی ونڈ نال انسانیت متاثر ہوئی۔ اوہنے اپنی لکھتاں دی مدد توں معاشرے دا کالا رخ وکھان دی کوشش کیتی۔ معاشرے دی او کوڑی سچائیاں جناں بارے گل کرنا برا سمجھیا جاندا سی، اوہناں نو منٹو نے سب دے سامنے لایا۔



ہور ویکھو[لکھو]

بارلے جوڑ[لکھو]