سٹینلے

Wikipedia توں
جاو: مدد, کھوج





سٹینلے
Aerial photo Port Stanley.jpg
عمومی معلومات
دیس Flag of the United Kingdom.svg برطانیہ
صوبہ فاکلینڈ جزیرے
آبادی 2115 بمطابق 2006ء
منطقۂ وقت متناسق عالمی وقت -4 (موسم گرما -3)
www.falklandislands.com


چڑھدے فاکلیلڈ چ سٹینلے دا محل وقوع

سٹینلے (سابق ناں پورٹ سٹینلے، Stanley) برطانیہ دے زیر انتظام فاکلینڈ جزیرےآں دا راجگڑھ تے کلا قصبہ اے۔ ایہ جنوبی امریکہ دے ساحلوں دے قریب بحر اوقیانوس چ واقع فاکلینڈ دے چڑھدس جزیرے اتے واقع ہے۔ اس دی آبادی تقریبا 2 ہزار توں ودھ اے۔ ایہ دنیا دا جنوبی ترین انتظامی مرکز اے، کیونجے فاکلینڈ خود مختار ریاست نہیں ہے اس لئی ایہ دنیا دا جنوبی ترین راجگڑھ نہیں ہے، ایہ اعزاز نیوزیلینڈ دے راجگڑھ ویلنگٹن کول اے۔

تریخ[لکھو]

سٹینلے دے تھاں اتے پہلی نو آبادی دے قیام اتے کم 1843ء وچ شروع ہویا تے جولائی 1845ء چ اسنوں راجگڑھ بنایا گیا۔ اس دا ناں اس ویلے دے وزیر جنگ تے نو آبادیات ایڈورڈ اسمتھ سٹینلے دے ناں اتے رکھیا گیا۔ ایہ نو آبادی چھیتی ای جہازاں دی مرمت دے لحاظ ننال اک اہم مقام اختیار کر گئی۔ آبنائے میگلان دے علاقے چ شدید ترین موسم تے طوفاناں پاروں ایہ بحر اوقیانوس تے بحر الکاہل دے وچکار آواجائی کرن آلے جہازاں لئی اہم قیام گاہ دا درجہ رکھتی سی۔نہر پاناما دی اساری توں پہلوں بحر اوقیانوس تے بحر الکاہل وچکار آن جان آلے جہاز آبنائے میگلان دا راستہ اختیار کردے سی۔ جہازاں دی مرمت اس ویلے جزیرے دی سبتوں اہم صنعت سی۔ بعد چ جنوبی بحر اوقیانوس تے براعظم انٹارکٹیکا دے لاگے وھیل مچھیاں تے اودبلا دا شکار اس علاقے دی وڈی صنعت بن گیا۔

بعد چ ایہ برطانیہ دی شاہی بحریہ لئی ایندھن دے حصول دا اہم تھاں بنیا تے ایتھے موجود جہازآں نے پہلی وڈی لڑائی چ فاکلینڈ جزیرےآں دی لڑائی تے دوجی وڈی لڑائی چ ریور پلیٹ دی لڑائی چ حصہ لیا۔ ایتھے دا ہوائی اڈہ انٹارکٹیکا چ برطانیہ دیاں تجربہ گاہاں نال رابطے دا اہم ذریعہ اے۔ اسنوں 1979ء چ کھولیا گیا سی۔

1982ء چ فاکلینڈ جنگ دے دوران 10 دن لئی سٹینلے اتے ارجنٹائن دیاں فوجاں دا قبضہ ہو گیا سی جنہاں نے اسدا ناں بدل کے پورتو ارجنتینو رکھیا پر برطانیہ دے دوبارہ قبضے دے مگروں اسدا پرانا ناں بحال کر دتا گیا۔

فاکلینڈ جنگ دے اثر ہن وی علاقے چ موجود نیں ، تے شہر دے نیڑلے کئی علاقے بارودی سرنگاں نال بھرے ہوئے نیں۔


باہرلے جوڑ[لکھو]

حوالے[لکھو]