سکندر

Wikipedia توں
(لیایا گیا سکندر اعظم)
جاو: مدد, کھوج
BattleofIssus333BC-mosaic-detail1.jpg

سکندر ( 356 م پ توں 10 جون 323 م پ ) اتلے یونان دی اک پرانے تھاں مقدونیہ دا آگو سی۔ اوہ 356 م پ نوں پیلا وچ جمیا۔ 16 ورے دی عمر تک ارسطو اوہدا استاد سی۔ 30 ورے دی عمر تک اوہ پرانی دنیا دیاں وڈیاں سلطنتاں وچ اک بنا چکیا سی جیہڑی یونان توں پنجاب تک پھلی ہوئی سی۔ سکندر نوں کسے لڑائی وچ ہار نئی سی ہوئی۔

سکندر نے 336 وچ راج گدی اپنے پیو فلپ دے اپنے ویریاں ہتھوں قتل ہون مگروں نری 20 ورے دی عمر چ سمبھالی۔ اوہدے کول اک تکڑا دیس تے ودیا فوج سی۔ اپنے پیو دے اپنے دیس نوں ودھان دے سفنے تے چلدیاں ہویاں اوہنے 334 وچ فارس دے راج تھلے آۓ اناطولیہ تے ہلہ بولیا تے اگلے دس ورے اودے لڑائی وج لنگے۔ اسوس تے گاؤگامیلا دیاں لڑائیاں وچ اوہنے فارس دا لک تروڑ دتا فارس دے بادشاہ نوں ہٹا کے فارس دی سلطنت تے مل مارلیا. 326 م پ وج جدوں اوہ پنجاب وچ سی ایتھے اوہنوں اوکھے ویلے توں لنگنا پیندا اے تے اوہ دکھن ولوں واپس مڑدا اے تے بابل، عراق وچ 326 م پ نوں مرجاندا اے۔


باپ دی موت ویلے سکندر دی عمر 20 ورہے سی تر اسنوں مقدونیہ د ی حکمرانی حاصل کرن چ کوئی خاص مشکل پیش نئیں آئی ، اک تے ایہہ اکلوتا پتر سی تے دوجا تخت دا کوئی خاص دعوے دار وی نئیں سی ۔ لیکن احتیاط دے طور تے سکندر نے اوہ سارے بندے قتل کروا تے ، جہڑے کسے وی طرح اسنوں نقصان پہنچا سکدے سن ، ایتھے تک کہ اسنے اپنی ماں دے اکسان تے اپنی دودھ پیندی سوتیلی بھین نوں وی قتل کروا دتا۔


جیون[لکھو]

AlexanderConquestsInIndia.jpg

سکندد دی خوش قسمتی سی کہ اسنوں ارسطو ورگا استاد ملیا تے اسدے باپ "فلپس" نے اسدی جسمانی تربیت ، گھڑ سواری تے نیزہ بازی دی تربیت لئی اسنوں محل توں دور پرفضاء جگہ تے بھیجیا ۔ جتھے جنگی تربیت دے نال نال ارسطو اسدی ذہنی تربیت وی کردا رہیا ۔ حکمرانی دے ابتدائی سالاں چ سکندر نے پڑوسی علاقیاں نوں اپنے نال ملان دی کوشش کیتی تاکہ اوہ اک مضبوط فوج تیار کرسکے تے اپنی غیر موجودگی چ مقدونیہ دے دفاع توں وی بے فکر ہوسکے ۔ اس کم چ اسنوں دو سال لگ گئے تے کجھ علاقے بزور شمشیر تے کجھ رضاکارانہ طور تے اس نال مل گئۓ ۔

سکندر 334 قبل مسیح چ 35 ہزار فوج نال مقدونیہ توں دنیا فتح کرن نکلیا تے سب توں پہلاں اس نے ایرانی سلطنت (ساسانلی سلطنت) تے حملہ کیتا ،اسی دی اک وجہ ایرانی شہنشاہ دارا اول دی مقدونیہ دے دشمناں دی خفیہ مدد وی سی ، مشرق ول جاندے ہوؤے سب توں پہلے اس دا ساہمنا 30 ہزار دے اک چھوٹے ایرانی لشکر نال ہوئیا ، جس دے زیادہ تر سپاہی یونانی نسل دے سن تے اس شکر دا کماندار "سیتھراوائیس" وی یونانی سی ۔ اس جنگ چ فتح دے بعد شام دے علاقے اسوس چ دارا خود اپنی کمان چ اک لکھ دا لشکر لے کے سکندر دا مقابلہ کرن آئیا پر جنگ چ شکست دے بعد دارا فرار ہوگئیا ۔ فیر سکندر صور تے غزہ دے شہر فتح کردا ہوئیا مصر جا پہنچیا تے بغیر لڑائی دے مصر فتح کرلئیا تے ایتھے دریاۓ نیل دے زریعے سمندر ول جاندے ہوئے سکندریہ شہر دی بنیاد رکھی ، جہڑا اج وی مصر دا مشہور شہر اے ۔

مصر توں سکندر 331 ق م چ عراق آئیا تے قدیم شہر نینوا دے نیڑے گوگا میلا دے مقام تے اسدا ساہمنا دارا دی قیادت چ دس لکھ دی ایرانی فوج نال ہوئیا ۔ اس جنگ چ ایرانی فوج نوں عبرت ناک شکست ہوئی تے دارا فرار ہوگئیا پر اپنے ای فوجی کمانڈراں دے ہتھوں ماریا گئیا ۔ 327 ق م چ سکندر نے ہندستان ول پیش قدمی شروع کر دتی تے اسدی فوج دی تعداد وی اک لکھ 20 ہزار دے قریب ہوگئی سی ، جس چ ایرانی فوج دے یونانی سپاہی وی سن ، دریاۓ جہلم دے پار اسدا ٹکراؤ راجہ پورس دی فوج نال ہوئیا جس چ 180 جنگی ہاتھی وی حصہ لے رہے سن جنگ چ سکندر دی فتح ہوئی تے پورس دی فوج دا اسدے اپنے ہاتھیاں نے ای بہت نقصان کیتا ۔ پورس نوں گرفتار کرکے سکندر دے ساہمنے پیش کیتا گئیا تے سکندر نے پچھیا دس تیرے نال کیہہ سلوک کراں تے پورس نے جواب دتا اوہی جہڑا اک بادشاہ دوجے بادشاہ نال کردا اے ۔سکندر جہڑا پہلے ای پورس دی بہادری توں بہت متاثر سی ، ایہہ جواب سن کے پورس نوں آزاد کردتاتے اسدی سلطنت اسنوں واپس کردتی ۔ سکندر دا ارادہ ہن ہندستان نوں فتح کرن دا سی پر اسدی فوج نے اگے ودھن توں انکار کردتا تے واپسی دا تقاضا کیتا ،کیونجے اک تاں فوج تھک چکی سی تے نالے اکتا وی چکی سی نالے ہن فوجی کئیاں سالاں توں اپنے وطن توں دور گھمدے پھر رہے سی ۔ خلاف توقع سکندر نے فوج دی گل منن لئی تے واپسی دا رستہ پھڑیا پر اسنوں مقدونیہ جانا نصیب نا ہوئیا تے اوہ بابل چ ای بیمار ہوکے مر گئیا ۔

سکندر نے 33 سال دی عمر پائی اوہ 356 ق م چ جمیا سی تے 323 ق م چ مر گئیا ۔




بارلے جوڑ[لکھو]