سیونکھ کھانا

سیونکھ کھانا
دیس :	جنور
برادری:	کورڈیٹ
پتی :	ماس کھانے
ٹبر :	ہائینا
سائینسی ناں :	Proteles cristata
پھرن تھاں رنگ وچ

سیونکھ کھانا ہائینا ٹبر دا اک ماس کھانا اے۔ ایہ چڑھدے افریقہ تے دکھنی افریقہ دا واسی اے۔ دوجے ماس کھانیاں وانگوں ایہ وڈے جانوراں دا شکار نئیں کردا۔ ایہ کیڑے کھاندا اے تے سیونکھ ایہنوں پسند اے۔ اک سیونکھ کھانا اک رات وچ اپنی لمی جیب نال 250,000 سیونکھاں کھا سکدا اے۔ ایہ دن نوں کسے کھڈ وچ لیٹیا ریندا اے تے رات نوں نکل کے شکار کردا اے۔

وکھالہ

ایہ 20–30 سینٹی میٹر (7.9–11.8 انچ) لمی چاڑو ورگی پوچھل کڈ کے، 55 توں 80 سینٹی میٹر (22 توں 31 انچ) لما ہوندا اے۔ مگراں تک ایہ 40 توں 50 سینٹی میٹر (16 توں 20 انچ) تک اچا ہوندا اے۔ ایہ 7–10 کلو دا ہوندا اے تے 15 کلو تک جاسکدا اے۔