شاہ رخ خان

شاہ رخ خان

شاہ رخ خان (2 نومبر 1965) ھندستان دا اک مشہور اداکار اے۔ اوہ بالی وڈ دیاں اردو فلماں چ کم کردا اے۔ اوہ دنیا دے جانے پہچانے لوکاں چوں اک اے۔ اونے 13 انعام وی جتے نیں۔ اونے پہلاں ٹی وی دے اتے کم کیتا فیر 1992 چ اپنی پہلی فلم دیوانا چ کم کیتا۔ اس توں بعد اونے کئی مشہور فلماں چ کم کیتا اے تے اپنے آپ نوں بالی وڈا دا بادشاہ منوا لتا اے۔ اونوں ہفتہ وار میگزین نیوزویک نے دنیا دیاں 50 سب توں طاقتور شخصیتاں چوں چنیا اے۔

شاہ رخ خان دیاں سب توں مشہور فلماں اے نیں: دل والے دلہنیہ لے جائیں گے، کچھ کچھ ہوتا ہے، چک دے انڈیا، اوم شانتی اوم تے رب نے بنادی جوڑی۔ اس توں علاوہ کبھی خوشی کبھی غم، کل ہو نہ ہو، ویر زارا تے کبھی الودہ نہ کہنا ھندستان توں باہر بوت مشہور فلماں نیں جناں دی وجہ توں شاہ رخ خان ھندستان ددا اک زبردست اداکار بندااے۔