شکاری تارہ چرمٹ

Wikipedia توں
جاو: مدد, کھوج
شکاری تارہ چرمٹ
Orion IAU.svg
اسمانی کھڑی لیک: 5 کینٹے
اسمانی پئی لیک: +5°
تھاں: 594 (26 واں)
وڈے تارے: 7
Orionurania.jpg
Orion over Arches UT.jpg

شکاری تارہ چرمٹ اسمان تے اک مشہور تارہ چرمٹ اے۔ ایہ ننگی اکھ نال ویکھیا جاسکدا اے۔ بتلجوز، رجل، سیف ایس تارہ چرمٹ دے جانے پشانے تارے نیں۔

ناں[لکھو]

ایہنوں شکاری ایس لئی گیا گیا جاندا اے جے پران ےویلیاں توں ایھدے تاریاں نوں جوڑ کے اک شکاری دی مورت بنائی جاندی سی۔ منٹاکا، النیلم تے النطاک دے تن تارے رل کے ایس شکاری دی پیٹی بندے نیں۔ بتلجوز دا ناں ایس شکاری دی مورت وچ اوہدی کچھ وچ ہون باجوں ایہ ناں دتا گیا۔ بتلجوز سجی بانہ تے رجل ایس شکاری دا کھبا پیر بناندا اے۔

ویکھن ویلہ[لکھو]

شکاری نوں اسانی نال نومبر توں مارچ تک اسمان تے ننگی اکھ نال لبھیا جاسکدا اے۔

دوجے تارے[لکھو]

شکاری تارہ چرمٹ نال دوجیاں تاریاں نوں اسانی نال لبیا جاسکدا اے۔ شکاری دی پیٹی دے تن تاریاں دی سیدھ وچ دکھن لیندے ول سیریس اے۔ ایس پیٹی دے اتر چڑھدے ول الدبران اے۔ بلاٹرکس تے بتلجوز توں اک لین لیندے ول کھچو تے پروکیون اگے آویگا۔ رجل توں بتلجوز ول کھچی لیک کیسٹر تے پولکس ول لجائیگی۔

اچیچیاں گلاں[لکھو]

شکاری تارہ چرمٹ اک پرانے ویلہ دسن والے وانگوں رات نوں اسمان تے دسدا اے۔ چار تارے بتلجوز، بلاٹرکس، رجل تے سیف رل کے اک مستطیل نال رلدی مورت بناندے نیں۔ ایدے وشکار اک پٹی وانگوں شکاری دی پیٹی دے تن تارے منٹاکا، النیلم تے النطاک نیں۔ پٹی توں تھلے تن تاریاں دی لین اے جیہنوں شکاری دی تلوار دا ناں دتا گیا اے۔ ایہ اصل وچ اورین بدلی اے۔ سارے تارے نیلے گرم نیں سواۓ مکدے بتلجوز دے۔

بائبل وچ تن تھاں تے ایس چرمٹ بارے لکھیا ہویا اے۔

Orionin tähdistö.png



بارلے جوڑ[لکھو]