ایٹاکاما روہی

Wikipedia توں
(لیایا گیا صحرائے ایٹاکاما)
جاو: مدد, کھوج
ایٹاکاما دی خلا توں کھچیا نقشہ
ایٹاکاما صحرا دے ساحل تے پان ڈی ازوکار نیشنل پارک چ اک بھورا لومڑ
صحرائے ایٹاکاما

اتلے چلی دا صحرا جہڑا کوہ انڈیز تے بحر اوقیانوس دے وچکار اک تنگ پٹی چ واقع اے ۔ ایہہ دنیا دا خشک ترین مقام اے تےایتھے کجھ تھاں ایسے نے جتھے کئی صدیاں توں مینہہ نئیں پئیا ۔

ایہہ صحرا 181300 مربع کلومیٹر دے رقبے تے کھلرئیا ہوئیا اے ۔ اس دا وڈا حصہ چلی اے تے کجھ حصے پیرو ، بولیویا تے ارجنٹان چ وی نیں ۔ ایہہ کیلیفورنیا دی وادی موت توں وی 100 گنا بنجر تے ڈیڑھ کروڑ سال پرانا اے ۔

صحرائے ایٹاکاما چ آبادی تقریبا نا ہون دے برابر اے تے صحراء دے وچکار اک نخلستان چ سان پیڈرو ڈی ایٹا کاما ناں دی بستی واقع اے ، جس چ 1577ء چ ہسپانویاں نے اک گرجا بنائیا سی ۔ سپین دے قبضے دوران 16ویں ، 17ویں تے 18ویں صدی چ کاناں چوں نکلن آلے خام مال دی ترسیل لئی اس دے ساحلاں تے بندرگاہاں بنائیاں گئیاں ۔ 19ویں صدی چ ایہہ صحرا بولیویا دے قبضے چ آ گئیا تے غیر واضع سرحداں تے نائٹریٹ دے ذخیرے لبھن دی وجہ توں چھیتی ای ایہہ چلی تے بولیویا وچکار متنازع علاقہ بن گئیا ۔ جنگ الکاہل ( جنگ سالٹ پیٹر) چ چلی نے ایہہ سارا علاقہ بولیویا کولوں کھو لئیا ۔

صحرائے ایٹا کاما چ تانبے تے دوجی معدنیات دے وڈے ذخیرے نیں تے دنیا دے سب توں وڈے سوڈیم نائٹریٹ دے ذخيرے ویایتھےنیں