صحرائے نمیب

Wikipedia توں
جاؤ: پاندھ, کھوج
صحرائے نمیب دے ریت دے اچے ٹبے
سپیٹزکوپے دے علاقے چ صحرائے نمیب دا اک منظر

صحرائے نمیب افریقہ دے دکھنی علاقےآں چ واقع جگ دے خشک ترین صحراواں چوں اک اے ۔ اس صحرا دا کھیتر ول(رقبہ) 50 ہزار مربع کلومیٹر اے تے ایہہ بحر اوقیانوس دے نال نال نمیبیا دے ساحلاں پے اک ہزار کلومیٹر کھلرئیا ہوئیا اے چڑھدےاوں لہندے چ 50 توں 160 کلومیٹر چوڑا اے ۔ اس دا کجھ حصہ انگولا چ وی شامل اے ۔ ایہہ صحرا نمیب - نوکلفٹ قومی پارک دا حصہ اے ۔

صحرائے نمیب نوں جگ دا سب توں پرانا صحرا سمجھئیا جاندا اے جہڑا کہ 8 کروڑ سالاں توں موجود اے ۔ ایتھے سالانہ صرف 10 ملی میٹر بارش ہندی اے ۔

صحرا دا زیادہ حصہ غیر آباد تے وچ پہنچن لئی اوکھا اے ۔ اس دے کجھ ریت دے ٹبےآں دی بلندی 340 میٹر تک اے تے ایہہ دنیا دے بلند ترین ریت دے ٹبےآں چ شمار ہندے نیں ۔

صحرائے نمیب معدنیات ٹنگسٹن ، لون تے ہیرے دے ذخیرےآن دی وی توں اہمیت رکھدا اے ۔


جس تھاں صحرا سمندر دے ساحل نال ملدا اے ، اوہ علاقہ ڈھانچےآں دا ساحل کہلاندا اے ۔ ایہہ ناں اس ساحل تے دھند دی وجہ توں چٹاناں نال ٹکرا کے تباہ ہون آلے بحری جہازاں دے ملبے تے صحراء چ گواچ کے مرن آلے لوکاں دے پاروں ملئیا اے جنہاں دی باقیات ڈھانچےآن دی شکل چ ای ملئیاں ۔