صحراۓ اعظم
صحراۓ اعظم یاں صحارا جگ دا سب توں وڈا صحرا اے جسدا رقبہ 90 لکھ مربع کلو میٹر اے جہڑا تقریبا امریکہ دے کل رقبے دے برابر اے ۔ صحراۓ اعظم شمالی افریقہ چ واقع اے ، انگریزی چ اسنوں صحارا آکھدے نیں جہڑا دراصل عربی لفظ صحراء توں ماخوذ اے ۔ صحراۓ اعظم دے مغرب چ بحر اوقیانوس ، شمال چ بحیرہ روم تے کوہ اطلس ، مشرق چ بحیرہ احمر تے مصر تے جنوب چ دریائے نائجر دی وادی تے سوڈان واقع نیں ۔ صحراۓ اعظم مختلف حصیاں چ تقسیم اے جنہاں چ وسطی کوہ ہتار ، کوہ تبستی ، کوہ ایئر تے صحراۓ لبیا شامل نیں ۔ صحراۓ اعظم دی بلند ترین چوٹی ایمی کوسی اے جسدی بلندی 3415 میٹر اے ایہہ شمالی چڈ چ کوہ تبستی چ واقع اے ۔ صحراۓ اعظم چ کل 25 لکھ افراد رہائش پزیر نیں جنہاں دی اکثریت مصر ، ماریطانیہ ،مراکش تے الجزائر نال جوڑ رکھدی اے ۔ ایتھے رہن والے واسیاں دی اکثریت بربر قبائل تے مشتمل اے ۔
تھل · ربع الخالی · صحراۓ اعظم · گوبی · سمپسن ·
