ضیاالدین برنی

Wikipedia توں
جاؤ: پاندھ, کھوج

جم : 1357ء


بھارت دے صوبہ اتر پردیش دے لہندے ضلعاں چوں اک ضلع بلند شہر اے ۔ اس ضلعے دا صدرمقام دا نان وی ایہی اے ۔ سلطنت دلی دے سلطاناں دے ویلے چ اس شہر دا ناں برن سی ۔ اگرچہ ہن ایہہ وڈی اہمیت دا حامل شہر نئیں پر پرانے زمانے چ اسنوں وڈی اہمیت اصل سی ۔

ضیاالدین برنی ہندستان دا مورخ سی ۔ اس دے ابتدائی جیون بارے جانکاری نئیں لبھدی ۔ قیاس کیتا جاندا اے کہ دریاۓ گنگا تے دریاۓ جمنا دے دوآبے دے اک قدیم شہر برن(بلند شہر) اسدی جنم بھومی سی ۔ اس نسبت نال اسنوں برنی آکھیا جاندا اے ۔ اسدا پیؤ تے چاچا سلطنت دلی دے امیراں چوں سن ۔ علاوالدین خلجی دے عہد چ سن شعور چ قدم رکھئیا ۔ ستاراں سال سلطان محمد بن تغلق دے دربار نال وابستہ رہئیا ۔ فیروز خان تغلق دے دور چ معتوب ہوئیا تے جیون دے باقی دن قید چ لنگھائے ۔ اس دی مشہور ترین تے لافانی تصنیف "تریخ فیروز شاہی " اے ۔ جہڑی غیاث الدین بلبن دے عہد دے شروع(1266ء) توں سلطان فیروز شاہ دے ابتدائی دور (1358ء) تک دی بوہت ای معتبر تریخ منی جاندی اے ۔ اسدیاں دوجیاں اہم تصنیفاں چ :فتاوی جہاں داری ، نعمت محمدی تے اخبار برمکیاںشاملنیں۔