عثمان I

Wikipedia توں
(لیایا گیا عثمان اول)
جاو: مدد, کھوج
I Osman.jpg

عثمان خان ۔ عثمان بن ارطغرل ، عثمان اول یا عثمان خان غازی (1258ء-1326ء) سلطنت عثمانیہ دا موڈھی سی۔


خودمختاری[لکھو]

عثمان دے پیو ارطغرل دے مرن دے مگروں، سلاجقہ روم (سلطنت روم) دا راجگھر قونیہ تے منگولاں دا قبضہ ، تے سلجوق سلطنت دے خاتمے دے بعد عثمان خان دی جاگیر خودمختار ہوگئی ، جہڑی بعد چ سلطنت عثمانیہ کہلائی ۔

عثمان دی جاگیر دی سرحد قسطنطنیہ دی بازنطینی سلطنت نال ملدی سی ۔ ایہہ اوہی حکومت سی جہڑی عربآں دے زمانے ج رومی سلطنت دے ناں نال مشہور سی ۔ جسنوں الپ ارسلان تے ملک شاہ اول دے زمانے چ سلجوقیاں نے بہت کمزور تے چھوٹی کردتا سی ۔ پر ایہہ ہن وی عثمان خان دی جاگیر دے مقابلے چ بہت وڈی تے بہت طاقتور سی ۔ بازنطینی قلعے دار عثمان دی جاگیر تے حملے کردے رہندے سن جس دی وجہ توں عثمان خان تے بازنطینی سلطنت دے وچکار لڑائی شروع ہوگئی ۔ اینہاں لڑائياں چ عثمان نے بہت بہادری تے قابلیت دا ثبوت دتا تے بہت سارے علاقے فتح کرلئے جنہاں چ بروصہ دا مشہور شہر وی شامل سی ۔ بروصہ دی فتح دے بعد عثمان دا انتقال ہوگئیا ۔


کردار[لکھو]

عثمان بہت بہادر تے عقلمند حکمران سی ۔ رعایا نال عدل تے انصاف کردا سی ۔ اسدی زندگی سادہ سی تے اسنے کدے وی دولت نئیں جمع کیتی ۔ مال غنیمت چوں یتیماں تے غریباں دا حصہ کڈن دے بعد باقی سپاہیاں چ تقسیم کردیندا سی ۔ اوہ فیاض ، رحم دل تے مہمان نواز سی تے اسدیاں اینہاں خوبیاں دی وجہ توں ترک اج وی اسدا ناں عزت تے احترام نال لیندے نیں ۔ اس دے بعد ایہہ رواج پئے گئیا کہ جدوں وی کوئی بادشاہ تخت تے بیٹھدا تے اسدی کمر نال عثمان دی تلوار بنھی جاندی تے دعا کیتی جاندی کہ خدا اس چ وی عثمان ورگیاں خوبیاں پیدا کرے ۔

عثمان دا راجگھر " اسکی شہر" سی تے بروصہ دی فتح دے بعد اسنوں صدرمقام قرار دتا گئیا ۔